+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстанда несие тарихын тазарту процесін енгізу керек, бұл үшін шет елдердің практикасына жүгінуге болады. Заңгер Думан Көпбаев бұл ұсынысы Тengrinews.kz тілшісіне берген сұхбатында айтты.
Қазақстанда несие тарихын тазарту процесін енгізу керек, бұл үшін шет елдердің практикасына жүгінуге болады. Заңгер Думан Көпбаев бұл ұсынысы Тengrinews.kz тілшісіне берген сұхбатында айтты.
Маманның пікірінше, қазақстандық банктерде "нашар несие тарихы" туралы бірыңғай түсінік қалыптаспаған.
"Себебі "нашар несие тарихын" әр банк әртүрлі түсінеді. Кейбір банктерде несие төлемін 15 тәулікке кешіктірсе, бірден "қара тізімге" енгізеді, ал кей банктер бір ай күтеді. Менің ойымша, Қазақстан аумағындағы банктердің арасында "нашар несие тарихы" бар адамдардың қатарына жатқызу үшін бірыңғай стандарт болуы керек. Кейбір банктер несиені оңай бере салса, кейбіреулері несие беруден бас тартады, сондықтан банктердің арасында бірыңғай тәртіп болуы керек деп ойлаймын", - дейді заңгер.
Думан Көпбаев шетелдік тәжірибелерге сүйеніп, Қазақстанда да несие тарихын тазарту процесін енгізуді ұсынды.
"Қазақстанда көптеген тұрғын бірнеше жыл бұрын белгілі бір себептермен несиесін дұрыс төлей алмай, "нашар несие тарихы" бар адамдардың қатарына кіріп кеткен. Ал қазір жалақысы жақсы, бірақ несие ала алмай жүр. Сондықтан Қазақстанда несие тарихын тазарту процесін енгізу керек, оның уақыты келді деп ойлаймын. Ол үшін шет елдердің практикасына жүгінуге болады, несие тарихын тазарту АҚШ-та кеңінен қолданылады, бұл жағдай біздің тұрғындарға да көмегін тигізер еді", - дейді ол.
Маманның сөзінше, кей банк несие тарихын 10 жылға сақтау ережесін ұстанбайды.
"Заңға сәйкес, азаматтардың несие тарихы оны төлегеннен кейін 10 жыл бойы сақталуы тиіс, ал іс жүзінде банктерде 20 жыл сақталған мәліметтер кездеседі. Қазіргі таңда банктер нашар несие тарихы болса да, әрі клиентке жеке-жеке қарайды. Тұрғындар жеке несиелік есепті, жеке куәлікпен ХҚКО, "Қазпошта" немесе Бірінші кредиттік бюро кеңсесінен ала алады", - деді Көпбаев.
Оқи отырыңыз:
"Қара тізімнен" шығып, несие тарихын жақсарту жолдары - Маман кеңестері
"Несие тарихы мінсіз болса да көмектеспейді". Кредит берілмейтін жағдайлар
