+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Зағип қызды ұзатқан әнші Жазира Байырбекова көз жасына ерік берді, - деп хабарлайды Tengrinews.kz тілшісі.
Зағип қызды ұзатқан әнші Жазира Байырбекова көз жасына ерік берді, - деп хабарлайды Tengrinews.kz тілшісі.
Ұзату тойынан видеоны әнші Instagram желісіндегі парақшасына жүктеген. Видеода әншінің "Ақботам" әнімен зағип қалыңдықты ұзатқан сәті түсірілген. Үзату тойы Алматыда өткен. Видео бір тәулікке жуық уақытта 300 мыңға жуық қаралып, 4 мыңнан аса пікір жазылған.
"Бүгін ұзатылған қыздың екі көзі көрмесе де достарының арасында сыйлы болып, өмірде өз орнын, теңін тауып ұзатылып бара жатқаны көп адамға мотивация", - дейді әнші.
Әнші әнінің аяғында қатты жылағаны үшін сол жерде болғандардан кешірім сұраған.
"Қыз бен жігіттің өмірге деген құштарлығына, батылдығына, ақылдылықтарына қарап риза болғаннан қатты толқып кеттім! Шын жүрегімнен аттасым Жазира мен күйеу жігітке бақыт тілеймін!", - дейді әнші.
© instagram.com/zhazira_bairbekova
Зағип қызға желі қолданушылары да қолдау білдіріп, ақ тілектерін жазған.
"Әр адам бақытты болуға лайықты! Бақытты болсын", "Ештеңе етпес, тек бақытты болсын. Тілекшіміз", - дейді желі қолданушылары.
Сонымен қатар әншінің жазбасына өнер адамдары да пікір білдірген.
"Жаным-ау, бақытты болсын!", - дейді ақын Сара Тоқтамысова. Зағип жанға өзінің ақ тілегін әнші Мақпал Жүнісова да жазған.
"Бақытты болсыншы", - дейді Мақпал Жүнісова.
Айта кетейік, Жазира Байырбекова 1978 жылы 30 қыркүйекте Оңтүстік Қазақстан облысы Бөген ауылына қарасты Пақташы атты жерде дүниеге келген. Қазақ қыздарын ұзатып жүргеніне біраз болған. Үш миллионға жуық оқырманы бар әнші өнер көрсететін үйлену той, ұзату тойынан видеосын жиі бөлісіп тұрады. Әншінің "Армансыз күнім болмайды", "Қыз бақыты", "Арман-ау арман" атты әндері жұртышылыққа кең таралған.
"Үйде көкем деп атаймын". Қазақстандық танымал жұптардың махаббат хикаясы
