+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бес күннен бері Түркияның оңтүстігін алапат өрт шарпыды. Тілсіз жау әлі күнге дейін сөндірілген жоқ. Бүгінде өрттен 8 адам қайтыс болғаны белгілі. Тағы 800-ден аса адам зардап шеккен, жергілікті тұрғындар мен туристер эвакуацияланды. Елдегі орман өрті жайлы не белгілі? Бұл туралы Tengrinews.kz тілшісі материалында.
Бес күннен бері Түркияның оңтүстігін алапат өрт шарпыды. Тілсіз жау әлі күнге дейін сөндірілген жоқ. Бүгінде өрттен 8 адам қайтыс болғаны белгілі. Тағы 800-ден аса адам зардап шеккен, жергілікті тұрғындар мен туристер эвакуацияланды. Елдегі орман өрті жайлы не белгілі? Бұл туралы Tengrinews.kz тілшісі материалында.
Бүгінге дейін не белгілі?
28 шілдеде Анталия провинциясы губернаторының әкімшілігі Манавгат ауданында орман өрті басталғанын хабарлады. Бастапқыда өртті сөндіруге екі ұшақ, 19 тікұшақ пен 192 өртсөндіру көлігі жұмылған. Бірақ аптап пен желдің салдарынан өрт күшейе бастады. Артынша Түркияға көмекке Ресей мен Украина келді: "Известия" мәліметінше, екі елден 4-5 ұшақ пен 45 тікұшақ жұмылған.
Why do you keep silent while you are destroying the world even in the smallest incident? we were all equal and same? When the fire broke out in Australia, everyone reacted, and when it happened in Turkey, why do you act like you didn't see it?#PrayForTurkey #TürkiyeYanıyor pic.twitter.com/PYLBbKTual
— • nis ? (@nomorethanos3) July 30, 2021
Ең сорақысы өрт айналасында тұрғын үйлер мен қонақүйлер тұрған орманнан шыққан. Аймаққа демалуға келген туристер келесі күні бірден эвакуацияланды.
Өрт 17 провинцияны шарпыды. Түркия президентінің өкілі Ибрагим Калын елдегі алапат өртті "ұлттық апат" деп таныған.
Фото: Reuters
Бірақ 30 шілдеге қарай жағдай жақсара бастады: бірнеше аудандағы өрт сөндіріліп, қызметкерлер тек 6 провинциядағы өртті сөндірумен айналысты. Алайда ауыл және орман шаруашылығы министрі Бекир Пакдемирли өрт бақылауға алынды деп мәлімдеу әлі ерте екенін айтты.
Посмотреть эту публикацию в Instagram
Өрт неден шықты?
Екі күн бұрын, 31 шілдеде түрік билігі елдегі орман өртінің негізгі себебі әдейі өрт қою болуы мүмкін екенін айтқан болатын.
"Біз өрттің шығу себебін мұқият тергеп жатырмыз. Егер өз отанын өртеп жіберуге қауқарлы болған сатқындар болса, оларға ең қатал жаза қолданылады", - деді ел президенті Режеп Ердоған.
Фото: Reuters
РИА Новости мәліметінше, бір күннен кейін Ердоған өртті шығарған күдікті ұсталғанын мәлімдеді.
"Миласте бір күдікті ұсталды. Егер бұл қаскүнемдік болса, кінәліні жазалау - біздің міндетіміз", - деді Ердоған.
Артынша биліктің күмәні расталды: орман өрті расында қолдан жасалған болып шықты. Бірақ өртті шығарған "сатқындар" емес, террористер болып шыққан. Кеше, 1 тамызда Түркияда террористік деп танылған Күрдістан жұмысшы партиясы (КЖП) ұйымының бөлімшесі әлеуметтік желіде елдегі өртке жауапты екенін жазған.
"Түрік режимі басқа тілді түсінбейінше өрт арқылы тізе бүктіретін кез келді", - делінген хабарламада.
Фото: Reuters
Yeni Safak газетінің мәліметінше, "От балаларының бастамасы" тобы елде 1990 жылдан бері орман өртін жасап жүрген.
Өрттен зардап шеккендердің үйі бір жылдың көлемінде қайта салынады. Бұл туралы ел президенті Режеп Ердоған айтқан болатын.
Оның сөзінше, тұрғындарға материалдық көмекпен қоса пайызсыз несие беріліп, бұған дейін алған несиелері жабылады. Одан бөлек, жылыжай мен үй жануарларынан айырылғандар да көмексіз қалмайды.
