a – автор комментариев на Tengrinews.kz :interval

Комментарии

рейтинг

Аутизм в Казахстане: как мы расширили диагноз для одних и случайно оставили без помощи других

a
03 апреля 09:46
0

Ерекше баланың анасы ретінде бұл мақала менің жүрегіме ерекше әсер етті. Аутизм туралы қоғамның түсінігі жыл сайын өзгеріп, адамдардың санасында мейірім мен түсіністік көбейіп келе жатқаны қуантады. Бұрын ата-аналар бұл тақырыпты айтуға қорқатын болса, бүгін біз балаларымыз туралы ашық сөйлеп, қолдау таба бастадық. Әрбір аутизмі бар бала – өзінше бір ғажайып әлем. Олар әлемді бізден өзгеше қабылдайды, бірақ олардың да жүрегі мейірімге толы, армандары бар. Кейде жолымыз қиын, кейде қоғам түсінбей жатады, бірақ әр кішкентай жетістік біз үшін үлкен жеңіс. Біздің балаларымызға ең алдымен түсіністік, сабыр және қолдау қажет. Егер қоғам оларды қабылдап, жанашырлықпен қараса, онда ерекше балалар да өз мүмкіндігін көрсетіп, қоғамның толыққанды мүшесі бола алады. Мен ерекше баланың анасы ретінде бір ғана нәрсені айтқым келеді: әр бала – бағалы, әр бала – сүйікті, әр бала – өмірдің шексіз мүмкіндігі. 💙

Аутизм в Казахстане: как мы расширили диагноз для одних и случайно оставили без помощи других

a
03 апреля 07:41
0

Өте керемет жазба. Шыныменде мен бұрын аутизм деген сөзді білмегенмін, естісемде түсінбеген едім. Ұлыма 1 жас 8 ай толғанда ерекшеліктері байқала басталды, дәрігер сіздерде аутизм, оның емі жоқ деп тарс айтқанда төбемнен көк түскендей болды💔💔💔 Сол кезден бастап әртүрлі ем, неше түрлі емшілерге бардық, жүгірдік, жол іздедік. Расында, ерекше бала тәрбилеп отырған отбасында әкесі немесе әрине көбінде анасы өзінің өмірін түбегейлі құрбан етеді. Ол дегеніміз жұмысың, күнделікті өмірі мүлдем ерекше өмірге ұласады. Міне қазір ұлым 11 жасқа толды. Түсінгенім, аутизмнен толық шығып кете алмайсың, ол сенің өміріңнің бір бөлігі. Жәй ғана балаңды басқа қырынан көріп, махаббатпен қарап, осы өмірде сенің қасыңда көмекшің болуды үйрету. Яғни түзету жұмыстарын жасай аласың. Неғұрлым ертерек диагнозды қабылдап, балаға коррекция ертерек басталса соғұрлым нәтижеде болады. Әрине қазір орталықтар көр, мамандар көп. Кейде жүрегің ауырады, құдды аутизм бір бизнеске ұшырағандай. Диагнозды естіген отбасы әр жаққа жүгіреді, қалай көмектессем екен дейді. Білікті мамандар, өте аз. Біз қаншама ем алып, түзетуді 4 жарым жасымызда “Аутизм победим” орталығынан бастадық. Ұлымыз үшін бәрін тастап, Алматы қаласына көшіп келдік. Қазір Аллаға шүкір ұлым сөйлейді, жазу жазып, оқиды. Би билеп, өлең айтып, фортепиано, домбыра ойнап үйреніп жүр. Үйде де біздің көмекшіміз. Осының бәрін үйреткен “Аутизм победим” орталығының мамандары, жәй ғана мама емес, ерекше баланы тәрбиелеп отырған, қаншама жолдан өтіп, нәтижеге жеткен және бізге бағыт бағдар беріп жүрген біздің алтын кураторларымыздың аоқасында жетіп жатырмыз. Ал ерекше алғысымызды еліміздегі ерекше балаларға қол ұшын созып, демеп жүрген Аружан Саин ханымға, Болат Утемұратов кісіге білдіргіміз келеді. Алғысымыз шексіз. Әр бала бақытты болуға лайықты!