Кибер қылмыстардың саны азайып жатқаны әрине жақсы! Мен адвокатпын, өз басым олардың азайып жатқанын сезіп жүрген жоқпын, күнде офиске келетін жәбірленушілердің саны азайып жатқан жоқ, адамдар сенгіш, үйде отырып оңай жолмен тез ақша тапқысы келеді, нарықтан төмен бағамен зат алғысы келеді, алаяқтардың қармағына әр-түрлі жолмен ілініп жатады. Содан адамдардың қараңғы екенін көреміз, қандай да бір сайттарға тіркеліп, қыруар қарызға батып, несиелер алып, ашынып жатыр. Мемлекет қаншама жұмыс атқарып жатыр, барлық жерден алаяқтықтың жолын кесу жөнінде ақпарат беріп жатыр, ішкі істер органдарында жаңадан кибер қылмысқа қарсы арнайы бөлім ашты, бірақ осы бөлімшелерде қызмет ететін тергеушілер саны өте аз, күніне қанша қылмыс тіркеледі, оларды тергеуге де кейде шамалары, уақыттары жетпей жатады. Сол себепті бұл бағытта әлі көп жұмыс атқару керек.