+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Халық арасында "қанның резус факторы теріс, 1-топтағылар коронавирус жұқтырмайды екен" деген пікір бар. Коронавирустың жұғуы, ауыр немесе жеңіл өтуі қан тобына байланысты бола ала ма? Бұл сұрақтарға ҚР Денсаулық сақтау министрлігіне қарасты Медициналық көмекті ұйымдастыру департаменті басшысының міндетін атқарушы Гүлнар Сәрсенбаева жауап берді, - деп хабарлайды Tengrinews.kz тілшісі.
Халық арасында "қанның резус факторы теріс, 1-топтағылар коронавирус жұқтырмайды екен" деген пікір бар. Коронавирустың жұғуы, ауыр немесе жеңіл өтуі қан тобына байланысты бола ала ма? Бұл сұрақтарға ҚР Денсаулық сақтау министрлігіне қарасты Медициналық көмекті ұйымдастыру департаменті басшысының міндетін атқарушы Гүлнар Сәрсенбаева жауап берді, - деп хабарлайды Tengrinews.kz тілшісі.
Сәрсенбаеваның айтуынша, коронавирус пен қан тобының байланысына қатысты әлемде бірқатар ғылыми зерттеу жүргізілген.
"Қан тобы мен коронавирус инфекциясы арасындағы байланысқа қатысты көптеген әлемдік ғылыми зерттеу бар. Кейбір зерттеулер 2 және 4-қан топтарында аурудың немесе өлімнің жоғары қаупі бар екенін, ал 1-қан тобы өлімнен немесе ауыр нәтижелерден сақтайтынын көрсеткен. Алайда, бұл зерттеулердің дәлелді екенін растайтын деректер жоқ", - деді Сәрсенбаева.
Сонымен қатар, коронавирусқа қарсы вакцинаның жүкті болуға оң әсер етіп жатқаны туралы да қоғамда көп айтылды. Сәрсенбаева бұған қатысты да пікір білдірді.
"Бүгінгі әлемдік тәжірибеде коронавирус инфекциясына қарсы вакцинацияның жүктілікке және бала көтеру қабілетіне оң әсерін растайтын деректер жоқ. Сонымен қатар, коронавирус инфекциясы жүкті әйелдерде аурудың ауыр өтуі және мерзімінен бұрын босануға әкелуі мүмкін екенін атап айтамыз. Осыған байланысты, жүктілікті коронавирус инфекциясына қарсы вакциналаудан кейін 1-2 айдан ерте жоспарламау керек", - деді Гүлнар Сәрсенбаева.
Айта кетейік, Қазақстанда кейінгі тәулікте 1000 адамнан коронавирус анықталған болатын. Ел бойынша ауырғандардың жалпы саны - 396 832 адам.
Вакцина бала көтеруге көмектесе ме? Маман нақты жауабын айтты
