+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Елорда тұрғындары 22 наурыз сағат 00.00-ге дейін қалаға кіріп үлгеруі керек, - деп хабарлайды Tengrinews.kz тілшісі Нұр-Сұлтан қаласы полиция департаментінің баспасөз қызметіне сілтеме жасап.
Елорда тұрғындары 22 наурыз сағат 00.00-ге дейін қалаға кіріп үлгеруі керек, - деп хабарлайды Tengrinews.kz тілшісі Нұр-Сұлтан қаласы полиция департаментінің баспасөз қызметіне сілтеме жасап.
"Қала тұрғындары 22 наурыз сағат 00.00-ге дейін қалаға кіріп үлгеруі қажет. Ал сағат 00.00-де елордаға кіретін және шығатын жолдар жабық болады. Көлік кептелісі мен кезекте тұруды болдырмау үшін қала тұрғындары мен қонақтарына алдын ала тиісті шаралар қабылдауға кеңес береміз. Блок-бекеттердегі полиция қызметкерлеріне көрсету үшін өздеріңізбен бірге жеке басты куәландыратын құжаттарыңызды алып жүруді ұмытпаңыздар", - делінген қалалық полиция департаментінің баспасөз қызметі таратқан хабарламада.
Нұр-Сұлтан қаласында көлік құралдарының кіріп-шығуын және азаматтардың жүріп-тұруын шектеу үшін 7 блок-бекет қойылды. Олар:
- №1 блок-бекет - Талапкер кентіндегі "Екатеринбург-Алматы" автожолында;
- №2 блок-бекет - Нұр-Сұлтан қаласына кіреберісте ақы төленетін пунктегі "Нұр-Сұлтан-Петропавл" автожолында;
- №3 блок-бекет - Қоянды кентіндегі "Нұр-Сұлтан-Ерейментау-Шідерті" автожолында;
- №4 блок-бекет - Шығыс Ильинка тұрғын алабы ауданындағы "Нұр-Сұлтан-Қорғалжын" автожолында;
- №5 блок-бекет - Қосшы кентіндегі "Нұр-Сұлтан-Киевка-Теміртау" автожолында;
- №6 блок-бекет - Жібек Жолы кентіндегі "Екатеринбург-Алматы" автожолында;
- №7 блок-бекет - Шұбар кенті, Нұр-Сұлтан қаласы маңындағы айналма автожолында;
Сонымен қатар, ауыр жүк көліктері елорда маңындағы айналма автожолымен жүре алады.
"Енгізілген шаралар азаматтардың қауіпсіздігін қамтамасыз ету және әрбір тұрғынның, әрі қаладағы халықтың денсаулығын сақтау үшін қажет. Карантин іс-шараларына жұмылдырылған ішкі істер органдары қызметкерлерінің талаптарын мүлтіксіз сақтап, түсіністікпен қарауларыңызды сұраймыз", - делінген хабарламада.
Бүгін елімізде коронавирус жұқтырғандардың саны 44-ке жетті. Нұр-Сұлтанда 25 науқас, қалған 19 пациент Алматыда.
Айта кетейік, осыған дейін елорда әкімінің орынбасары Бахтияр Макен астаналықтарға маңызды үндеу жасап, халыққа қызмет көрсету орындары нешеге дейін жұмыс істейтінін айтты. Ал қалалық инвестициялар және кәсіпкерлікті дамыту басқармасы карантин кезінде сауда орындары қалай жұмыс істейтінін түсіндірді.
Сондай-ақ, бүгін түнде Нұр-Сұлтан мен Алматы қалалары карантинге жабылды.
Еске салайық, 16 наурыздан бастап елімізде төтенше жағдай жарияланды.
