+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін 7 арнадағы "Өз ойым" бағдарламасында елімізде дамыған субмәдениет түрлері талқыланды, - деп хабарлайды Tengrinews.kz тілшісі.
Бүгін 7 арнадағы "Өз ойым" бағдарламасында елімізде дамыған субмәдениет түрлері талқыланды, - деп хабарлайды Tengrinews.kz тілшісі.
Бағдарламаның қонағы Әлия Сәрсенова өзінің "Эмо", "Гот" мәдениетін ұстанып, қазіргі таңда сол кездерді күле есіне алды. Әйтсе де ол қазір К-POP стиліне қатты еліктейді. Ол бұл іс-әрекетін қандай да бір ата-ананың және қоғамдағы адамдардың назары жетіспегендігінен болды дейді.
"Мен қазір К-РОР еліктеушісімін. Q-POP - бұл қазақтар. К-РОР - бұл негізгі құрылтайшылары. Кореялық топтар әлемге әйгілі бола түсті. Мен қолыма өзіме ұнайтын кореялық EXO тобының атын жазып, жанкүйері ретінде "Эри" (солардың фанаты) дегенді қостым", - дейді Әлия Сәрсенова.
Әлия жұрттың не ойлап, не айтқаны маңызды емес, ең бастысы өзіңді қалай қабылдауыңа байланысты дейді.
"Жасөспірім шағымда маған назар аударғанын қалап, әр түрлі түске боянатынмын. Неше түрлі әндерді тыңдайтынмын. Жасөсіпрім кезімде мектепте, отбасымда және достарыммен түсінбестік көп болды. Барлығы да осыдан өтеді деп ойлааймын. Маған жұрттың мен туралы ойлағаны қызықтырмайды, мен өзімді ұнатып, түсіне білсем ғана маңызды", - дейді ол.
20 жастағы металист Әлихан Кедеровтың адам жамандықты білмей жақсылықты сезіне алмайтынын айтады.
Бағдарламаның тағы бір қонағы Айнұр Рай есімді қыз көзіне ота жасатқанын айтып берді.
"Менде қабақтың сызығы болған жоқ, сол сызықты көрсету үшін төрт жыл бұрын Астанада 100 мың теңгеге көзіме блефаропластикалық ота жасаттым. Яғни артық теріні тіліп алып тастады. Көзімнің формасы едәуір өзгерді.
Айта кетейік, "Өз ойым" бағдарламасы 27 маусымнан жаңа санын бастады. Бағдарламаның ең басты жаңалығы ток-шоу дүйсенбі-жұма аралығында көрсетілетін болды. Түрлі әлеуметтік тақырыптарды қозғайтын бұл ток-шоу әлі талай қызықтарға толы.
