"Масляковқа қарызымыз жоқ" - Еркебұлан Мырзабек "ИГРА" жобасы туралы

Есет Тулеш

BizbenPodcast жобасының бұл жолғы қонағы әзілкеш Еркебұлан Мырзабек болды, - деп хабарлайды Tengrinews.kz тілшісі.

Ол қазақ әзілдері, КВН, ТНТ арнасындағы "ИГРА" шоуы туралы, "Жайдарман" мен өзі алып жүрген шоулар туралы әңгімеледі.

Еркебұлан Мырзабек президенті Александр Масляковтың КВН-нен ТНТ-ға кеткендерге реніші туралы айтты.

"Оның ренжитін орны жоқ. Мысалы, біз, "Спарта" командасы КВН ойнадық, шығармашылық жолында беретінімізді бердік, барлық жобасына қатыстық, жеңетін кубок, медальдарды жеңдік. Енді Александр Васильевичтің (Масляков - авт.) алдында қарызымыз жоқ. Қазір жас команданы дайындап жатырмыз. Әрі қарай жұмыс істеу керек. Сондықтан Масляков мырзаның ренжитін жайы жоқ деп ойлаймын", - деді әзілкеш.

Еске салайық, бұған дейін BizbenPodcast жобасының қонақтары фактчекер-журналист Думан Смақов пен тележүргізуші, актриса Жұлдыз Абдукаримова, тіл маманы Назгүл Қожабек, файтер Арман Әшімов пен спорт комментаторы Ермұхамед Мәулен болған еді.