+7 (777) 001 44 99
Қазақша
Русский
English
Қазақша
Русский
English
Италияның карантинге жатқызылған тұрғындары елде коронавирус тарап жатқан кезде түрлі қаланың тұрғындарын біріктіру үшін әуенді флешмоб бастады. Tengrinews.kz тілшісі италиялықтар бастаған челлендж туралы баяндайды.
"Дыбыс" деп аталған флешмобты Римдегі оркестр бастаған.
"Терезені ашып, балконға шығып, алыста болсақ та, бірге әндетейік", - деп жазған флешмобты бастағандар Facebook-парақшасында.
Ұйымдастырушылардың айтуынша, музыка - жанға берілетін дәрі. Қазір ең қажеті осы дейді олар.
"Ноталарды білесіз бе, музыкалық аспапта ойнайсыз ба - маңызды емес. Жай ғана ән айтыңыз не кастрюльде ойнап беріңіз. Маңыздысы, бізді естігені, себебі музыка - жанға берілетін ең жақсы дәрі. Қазіргі уақытта бізге ең қажеті - осы. Тыныштықты бұзайық!", - дейді ұйымдастырушылар.
Бұл ұсыныс әлеуметтік желіде тарап кетті. Флешмоб өткен жұмаға кешкі 18:00-ге жоспарланған.
Бәрі ойлағандағыдай болды: өткен жұмада италиялықтар бір уақытта балконға шығып, білетін әндерін шырқаған. Бірі ұлттық гимнді орындаса, бірі Адриано Челентаноның әнін немесе басқа да хиттерді айтқан.
Sicily has figured out this whole self-isolation thing.#COVID19 #CoronavirusPandemic pic.twitter.com/93whPVtQcR
— John Nichols (@NicholsUprising) March 13, 2020
Naples lol pic.twitter.com/15vjpPnGYl
— Andreth??️?? (@Adaneth73) March 13, 2020
Se non ci fosse NAPOLI bisognerebbe inventarla pic.twitter.com/UZQaxW2KUe
— Biagio Fucci (@BiagiomF) March 13, 2020
Флешмобтың тағы бір әсерлі видеосы Неапольде түсірілген. Қала тұрғындары балконға шығып, неапольдік "Abbracciame" әнін бірге орындайды. Бұл әннің атауын ағылшыннан қазақ тіліне "Құшақта мені" деп аударуға болады.
Посмотреть эту публикацию в Instagram
Негізі, мұндай флешмобты бастаған италиялықтар емес. Олар бұл идеяны Уханның оқшауланған тұрғындарынан алған. Ақпанның басында олар да өз-өздеріне қолдау көрсету үшін флешмоб ұйымдастырған еді.
A whole block of residents in Wuhan shout “Wuhan Jiayou” which means “come on Wuhan” you can defeat it. #WuhanOutbreak #coronavirus #WuhanPneumonia #wuhanconoravirus pic.twitter.com/qS1X1CjSSp
— Aamir Razzaq (@AamirRazzaq92) January 27, 2020
Соңғы мәліметтер бойынша, Италияда қазір вирустан емделгендерді қосқанда елде 24,7 адам коронавирус жұқтырған. Қайтыс болғандардың жалпы саны 1809 адамға жеткен.
