Алматыдағы үлкен Hyundai отбасы

28 тамызда Hyundai Trans Kazakhstan зауытында HTK қызметкерлері мен олардың отбасы мүшелеріне арналған алғашқы ОТБАСЫ КҮНІ мерекесі өткізілді.

Іс-шараға 1700-ден астам адам қатысты, мұндай көп адам зауытта бірінші рет жиналып отыр: капсуланы салған кезде Hyundai Trans Kazakhstan командасы небәрі 10 адамнан тұратын, бірінші желіні іске қосқан кезде 350 адам қызмет көрсетті, ал қазір зауытта 800-ден астам қызметкер бар. Зауыт "Астана Моторстың" еншілес кәсіпорны, сондықтан өздерінің ең алғашқы teambuilding-терін компанияның 30-жылдығына орай ұштастырып өткізді.

Салтанатты жиынды "Астана Моторс" бас директоры Бекнұр Несіпбаев ашты: "2019 жылдың сәуір айында зауытымыздың алғашқы тасын қалаған кезде бұл жер ашық дала, көк шөп басқан 15 гектар жер еді және ұжымда небәрі 10 адам ғана болатын.

Қазір ұжым өсті, қазірдің өзінде 800-ден астам адам бар, ал жыл соңына дейін әріптестеріңіз бұдан әрі көбейеді – мыңға жуық адам жұмыс істейтін болады. Бүгін мен осында сіздерді отбасыларыңызбен, біздің кішкентай болашақ қызметкерлерімізбен бірге көргеніме өте қуаныштымын! Елімізді бірге дамытып, оны көркейтіп, нығайта берейік!".

Тимбилдинг бағдарламасында барлық жастағы қатысушыларға арналған көптеген ойын-сауық іс-шаралары қарастырылған: ойындар мен сайыстар, шеберлік-сыныптары мен топтық жарыстар, жанды музыка мен кәсіби аниматорлар болды, бірақ осы күннің басты оқиғасы – зауыт ішіне отбасылық экскурсия өткізілді!

Hyundai Trans Kazakhstan директоры Илья Мельниковтың айтуынша, "аталған үлкен мерекені қызметкерлерімізді одан сайын жақындастырып, жақындарымызға зауыттың күнделікті өмірін, тамаша атмосферасы мен жайлылығын көрсету, Қазақстанның автокөлік өнеркәсібі тарихының жасалуын көрсету үшін ұйымдастырдық".

Компания қызметкер отбасының, олардың денсаулығы, амандығы мен компанияға деген оң көзқарасы – мұның барлығы тікелей жұмыс өнімділігі мен сапасына әсер ететініне сенімді. Сондықтан НТК зауытының ішкі құпия ұранын былайша айтуға болады – "Сен отбасың туралы ойласаң, отбасың сен туралы ойлайды", бұл – ортақ құндылықтар, ортақ мақсаттар және ортақ өсу жоспарлары деген сөз.

Қазақстанда мұндай бейіндегі зауыттар үшін дайын мамандар өте аз, сондықтан жаңа қызметкерлер практика жүзінде және теорияны зауыттың оқу орталығында менторлардан оқып үйренеді. Зауыт қызметкерлерінің орташа жасы – 33 жасты құрайды, олар техникалық білікті мамандардың жаңа буыны, оқуға, жаңа дағдыларды үйренуге, өзгеруге және өз болашағын мемлекет болашағымен ұштастыруға дайын белсенді жастар.