+7 (777) 001 44 99
ПОДЕЛИТЬСЯ
Халық арасында "коронавирус жұқтырып, ауырып шыққан дұрыс" деген пікір бар. Бірақ бұл COVID-19-дан кейінгі асқынуларға әкеп соғады. Бұл туралы денсаулық сақтау министрі Алексей Цой айтты, - деп хабарлайды Tengrinews.kz тілшісі.
Халық арасында "коронавирус жұқтырып, ауырып шыққан дұрыс" деген пікір бар. Бірақ бұл COVID-19-дан кейінгі асқынуларға әкеп соғады. Бұл туралы денсаулық сақтау министрі Алексей Цой айтты, - деп хабарлайды Tengrinews.kz тілшісі.
"Тұрғындар арасында "коронавирус жұқтырып, ауырып шыққан дұрыс" деген пікір бар. Бірақ бұл ковидтен кейінгі асқынуларға әкеп соғады. Ол иммундық жүйеге кері әсер етіп, созылмалы аурулар күшейеді, өкпе, бауыр, жүрек секілді маңызды органдардың жұмысын бұзады. Ковидтен кейінгі кезең де ұзақ, оңай емес. Көпжылдық тәжірибе вакцинация әлемде аурудың алдын алып, таралуына жол бермейтінін көрсетті", - деді министр ОКҚ онлайн-брифингінде.
Алексей Цой әлемде вакцина арқылы көптеген аурудан сырқаттану деңгейі төмендегенін атап өтті.
"Вакцинация 400 жылдан астам уақыт бойы адамзатты шешек, оба сияқты қауіпті, өлімге әкелетін аурулардан қорғап келеді. Соңғы 30 жылда эпидемиялық паротитпен сырқаттанушылықтың 870 еседен артық төмендегені, халық арасында "В" вирустық гепатитімен сырқаттанудың 150 есеге, көкжөтелмен сырқаттанудың 7,3 есеге төмендегені байқалды. Қазіргі уақытта полиомиелит, дифтерия, сіреспе, қызамық сияқты инфекциялар ұмытылды", - деді министр.
Айта кетейік, 1 ақпаннан бастап елімізде коронавирусқа қарсы жаппай вакцинациялау жүріп жатыр. 10 ақпандағы жағдай бойынша Қазақстанда 13 мыңнан аса медицина қызметкері вакцина салдырды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
