Алматы қаласының бас санитар дәрігері Жандарбек Бекшин шаһарда ересектердің басым бөлігі коронавирус жұқтырғанын айтты, деп хабарлайды Tengrinews.kz тілшісі.
Оның айтуынша, Алматыда коронавирус инфекциясын жұқтырудың 693 дерегі тіркелген, 5 адам індеттен көз жұмған.
"Ауру ересектердің арасында басым. Оның ішінде 15-19 жас - 43 жағдай (6,3 пайыз), 20-29 жас - 212 жағдай (31,3 пайыз), 30-39 жас - 129 жағдай (19 пайыз), 40-49 жас - 116 жағдай (17 пайыз), 50-59 жас - 115 жағдай, 60 жас және одан жоғары - 42 жағдай (6,1 пайыз)", - деді ол Алматыда өткен баспасөз мәслихатында.
Сондай-ақ ол қауіпті індетті студенттер мен оқушылар да жұқтырғанын атап өтті.
"Студенттер бойынша 40 жағдай, мектеп оқушылары - 15 жағдай, басқа елдерден келгендер - 38 жағдай және шекара қызметі академиясының курсанттары - 67 жағдай, авиация қызметкерлері - 2 жағдай, зейнеткерлер - 40 жағдай, жұмыс істемейтіндер 55 жағдай тіркелді", - деді Жандарбек Бекшин.
Сонымен қатар Алматы қаласының бас санитар дәрігері 383 медицина қызметкері коронавирус жұқтырғанын атап өтті.
Контингент бойынша сырқаттану жағдайы:
- Студенттер - 40,
- Мектеп оқушылары - 15,
- Басқа елдерден келген - 38,
- ҚР ҰҚК Шекара қызметі Академиясының курсанттары - 67,
- Авиация қызметкерлері - 2,
- Зейнеткерлер - 40,
- Жұмыс істемейтін тұлғалар - 55,
- Жұмыс істейтін тұлғалар - 42,
- Медицина қызметкерлері - 383.
Айта кетейік, елімізде коронавирус жұқтырғандардың саны 2047-ге жетті. 505 науқас аурудан жазылды, 19 адам қайтыс болды.
