Подписывайтесь на канал Tengrinews.kz в WhatsApp
18 сентября 2020 17:07

Бірден 20 мыңға артты: ДСМ өкілі пневмония статистикасындағы өзгерісті түсіндірді

Рахила Тлеуова Корреспондент

ПОДЕЛИТЬСЯ

Фото:elements.envato.com Фото:elements.envato.com

Денсаулық сақтау министрлігі 1-13 тамыз аралығында пневмониядан жазылғандар санын статистикаға 15 қыркүйекте қосқан. Сондықтан 14 қыркүйекте 7 мыңға жуық болып тұрған сан 15 қыркүйекте 26 мыңнан асты. Статистикадағы өзгерістің неден болғанын Денсаулық сақтау министрлігінің ресми өкілі Бағдат Қожахметов түсіндірді, - деп хабарлайды Tengrinews.kz тілшісі.


Денсаулық сақтау министрлігі 1-13 тамыз аралығында пневмониядан жазылғандар санын статистикаға 15 қыркүйекте қосқан. Сондықтан 14 қыркүйекте 7 мыңға жуық болып тұрған сан 15 қыркүйекте 26 мыңнан асты. Статистикадағы өзгерістің неден болғанын Денсаулық сақтау министрлігінің ресми өкілі Бағдат Қожахметов түсіндірді, - деп хабарлайды Tengrinews.kz тілшісі.

"Қазақстанда күн сайын коронавирус инфекциясының таралуы бәсеңдеп жатқанын байқап отырмыз, соған байланысты жағдай тұрақты деуге болады... Бүгінде Қазақстанда коронавирус инфекциясына ұқсас белгілері бар, бірақ ПТР-тесті теріс нәтиже көрсеткен 30 579 жағдай тіркелді. Олардың 26 533-і жазылды, 337 науқас қайтыс болды.

Осы жерде ПТР-тесті теріс нәтиже көрсеткен науқастардың статистикасына байланысты жағдайды нақтылағым келеді. 14 қыркүйекте coronavirus2020.kz сайтында коронавирус белгілеріне ұқсас пневмониядан жазылған 6 853 науқас туралы ақпарат шықты. Ал 15 қыркүйекте бұл цифр бірден көбейіп, 26 435 адам болғанын көргендер бар шығар. Бұл өсім 1-13 тамыз аралығында стационарда, амбулаториялық деңгейде және үйде емделген науқастарды тіркеу базасына жүктегеннен болып отыр. Осыған байланысты коронавирус инфекциясына ұқсас пневмониядан жазылғандар саны ауырып қалғандар санынан асты деп айтуға болады", - деді ол ОКҚ онлайн-брифингінде.

Еске салайық, соңғы мәліметтер бойынша елімізді коронавирус жұқтырған 107 134 науқас тіркелді. Оның 101610-ы жазылды. 1689 адам қайтыс болды. 

Қазақстан жаңалықтары. Соңғы жаңалықтар. Telegram желісінде бізге жазыл! 

Как вам дизайн сайта Tengri News?
Пройти опрос
Читайте также
Join Telegram

Курс валют

 449.3   483   4.85 

 

Погода

 

Редакция Реклама
Социальные сети