1. Главная
  2. Узнай
  3. Новости
  4. Новости Казахстана

Бюджет қаражатын игермеген өңірлер мен ведомстволар аталды 16 февраля 2021, 09:52

Қаржы министрі Ерұлан Жамаубаев 2021 жылдың қаңтарындағы мемлекеттік бюджет қаражатын игермеген өңірлер мен ведомстволарды атады, - деп хабарлайды

Көрнекі сурет: Тұрар Қазанғапов Көрнекі сурет: Тұрар Қазанғапов

Қаржы министрі Ерұлан Жамаубаев 2021 жылдың қаңтарындағы мемлекеттік бюджет қаражатын игермеген өңірлер мен ведомстволарды атады, - деп хабарлайды Tengrinews.kz тілшісі.

Министрдің айтуынша, мемлекеттік бюджеттің шығысы - 91 пайыз, республикалық бюджеттің шығысы - 94,4 пайыз, жергілікті бюджеттердің шығысы 80,6 пайыз атқарылды. Алайда бюджет қаржысын "дұрыс" игермеген өңірлер бар. 

"Жергілікті бюджеттердің шығысы 203 миллиард теңге болды. Атқарылмағаны - 49 миллиард теңге. Биыл өңірлерге 1,9 триллион теңге нысаналы трансферттер көзделген. Оларға 1 ақпанға  32 миллиард теңге бөлінген. Олардың 79,3 пайызы игерілген. Атқарылмағаны - 6 миллиард теңге, оның ішінде 2 миллиард теңге - үнемдеу, 4 миллиард теңге игерілмеді. Неғұрлым көп игерілмеу мына өңірлерде: Батыс Қазақстан, Жамбыл облыстарында, Нұр-Сұлтан қаласында, Ақмола және Атырау облыстарында болды", - деді министр Үкімет отырысында.

Ерұлан Жамаубаев бюджет қаржысын игермеген мемлекеттік органдарды да атап өтті.

"Республикалық бюджет бойынша 1 триллион 212 миллиард теңге шығыстар жүргізілді.
Орындалмау 72 миллиард теңге, оның ішінде үнемдеу 7 миллиард теңге болды. Игерілмеу сомасы - 65 миллиард теңге. Игерілмеудің неғұрлым ірі сомасы мына орталық мемлекеттік органдарда қалыптасты: Қаржы, Цифрлық даму, инновациялар және аэроғарыш өнеркәсібі, Төтенше жағдайлар, Білім және ғылым, Мәдениет және спорт министрліктері", - деді министр.

Айта кетейік, қазір Үкімет отырысында республикалық бюджеттің қаңтар айындағы игерілуі туралы айтылып жатыр.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!