1. Главная
  2. Узнай
  3. Новости
  4. Новости Казахстана

Еліміздегі су шаруашылығы нысандарының 40 пайызы тозған - министр 06 ноября 2020, 11:18

Төтенше жағдайлар министрі Юрий Ильин еліміздегі гидротехникалық нысандардың 40 пайызы тозғанын айтты, - деп хабарлайды Tengrinews.kz тілшісі.
Фото: ©pm.kz Фото: ©pm.kz

Төтенше жағдайлар министрі Юрий Ильин еліміздегі гидротехникалық нысандардың 40 пайызы тозғанын айтты, - деп хабарлайды Tengrinews.kz тілшісі.

"Гидротехникалық құрылыстар қауіпті жағдайда тұр. Су шаруашылығы құрылыстарының басым бөлігі 1960-70 жылдары салынған. Қазіргі таңда олар тозған. Тіпті, 40 пайызға тозған құрылыстар да бар", - дейді министр Сенаттағы үкімет сағатында.

Юрий Ильин бұл нысандарда қауіпсіздікті сақтау үшін қандай жұмыс жүргізіліп жатқанын айтты.

"Су шаруашылығы нысандарында қауіпсіздікті қамтамасыз ету үшін Агроөнеркәсіп кешенін дамыту бағдарламасы аясында іс-шаралар жоспары жүзеге асырылып жатыр. Ол апат жағдайында тұрған су қоймайларын қайта жаңғартуды көздейді. Гидротехникалық құрылыстардан ағын суын өткізу және апат жағдайларының алдын алу үшін іс-шаралар жоспары бекітіледі, әрі су шаруашылығы нысандарына бақылау жүргізіледі", - деді ведомство басшысы.

Оның айтуынша, биыл елімізде су тасқанының алдын алуға 9 мыңнан аса маман мен 1,5 мыңнан техника жұмылдырылған.

Қазақстан жаңалықтары. Соңғы жаңалықтар. Telegram желісінде бізге жазыл!