Подписывайтесь на канал Tengrinews.kz в WhatsApp
29 сентября 2020 12:44

Елордада 31 мектеп карантин талабын бұзған

Даурен Ерболат Журналист

ПОДЕЛИТЬСЯ

Фото: ru.hrodna.life Фото: ru.hrodna.life

Нұр-Сұлтанда 31 мектеп карантин талабын бұзған. Бұл туралы Нұр-Сұлтан қаласының бас санитар дәрігері Жанна Пірәлиева айтты, - деп хабарлайды Tengrinews.kz тілшісі.


Нұр-Сұлтанда 31 мектеп карантин талабын бұзған. Бұл туралы Нұр-Сұлтан қаласының бас санитар дәрігері Жанна Пірәлиева айтты, - деп хабарлайды Tengrinews.kz тілшісі.

Оның айтуынша, Нұр-Сұлтандағы білім беру ұйымдарында карантин талабын сақтау бойынша мониторинг жүргізілген.

"Қаладағы барлығы 91 мектеп бар. Оның ішінде 78 мемлекеттік, 12 жекеменшік, 1 мамандандырылған мектеп бар. Барлық мектепте мониторинг жүргізілді. Тексеріс барысында 31 мектепте карантин талабы сақталмағаны анықталды. Директор, мектеп ұжымы мен ата-аналар масқа тақпағаны үшін қаладағы бір мектептің директоры әкімшілік жауапкершілікке тартылды", - деді Пірәлиева қала әкімдігінде өткен брифингте.

Сондай-ақ, ол елордада коронавирус жұқтыру дерегі жаппай тіркелген соң, 5 шілдеде карантин талабы күшейтілгенін еске салды.

"17 тамызда COVID-19 вирусын жұқтыру дерегі азайған соң, карантин талабы жеңілдетілді. Алайда кәсіпкерлік нысандары, жеке тұлғалар арақашықтық сақтау, маска тағу, бұқаралық іс-шараларды өткізбеу талабын бұзу дерегі тіркелді. Аудандық басқармалар карантин енгізілгеннен бері жалпы 122 миллион 526 мың 428 теңгеге 550 айыппұл салынды. Оның ішінде 246 жеке тұлға, 314 кәсіпкерлік нысандары бар. Карантин талабын көбіне қоғамдық тамақтаруы орындары бұзып жатыр", - деді Нұр-Сұлтан қаласының бас санитар дәрігер.

Сонымен қатар, қала тұрғындарға коронавирус ешқайда кетпегенін, маска тағып, арақашықтықты сақтап, сақ жүруге кеңес берді.

Айта кетейік, елордада 14 081 адам коронавирус жұқтырды. 13 643 науқас жазылды, 314 адам қайтыс болды.

Қазақстанда COVID-19 жұқтырғандар саны 107 833-ке жетті. 102 805 науқас айықты, 1 699 адам көз жұмды.

Қазақстан жаңалықтары. Соңғы жаңалықтар. Telegram желісінде бізге жазыл! 

Как вам дизайн сайта Tengri News?
Пройти опрос
Читайте также
Join Telegram

Курс валют

 449.3   483   4.85 

 

Погода

 

Редакция Реклама
Социальные сети