+7 (777) 001 44 99
ПОДЕЛИТЬСЯ
Денсаулық сақтау министрі Алексей Цой қазақстандықтарға үндеу жасады, - деп хабарлайды Tengrinews.kz тілшісі.
Денсаулық сақтау министрі Алексей Цой қазақстандықтарға үндеу жасады, - деп хабарлайды Tengrinews.kz тілшісі.
Жаңа министрдің айтуынша, санитарлық норманы сақтамайтын тұрғындар бар.
"Санитарлық норманың бес басты ережесін бәріміз білеміз - маска, қолғап кию, қолды жуу, қашықтық сақтау, адам көп жиналатын жерге бармау және кездесу кезінде құшақтаспау, қол алыспау. Бірақ кей тұрғынның бұл ережелерді сақтамай жүргенін көрдік. Бұл нормаларды қатаң сақтау жақындарыңыздың өмірі мен денсаулығын қорғауы мүмкін", - деді Цой ОКҚ-да өткен онлайн-брифингте.
Сондай-ақ, денсаулық сақтау министрі қазақстандықтарға медицина қызметкерлеріне қолдау көрсетуге шақырды.
"Инфекцияның тұрғындар арасында тарауы артып жатыр, жаппай жұқтыруға жол бермеу үшін шаралар қолданылуы мүмкін. Әрине, бұл азаматтарымызды алаңдататып отырған жалғыз мәселе емес. Бірақ қайталап айтайын, үкіметтің осы жағдайдан шығу бойынша нақты ұстанымы бар. COVID-19 бойынша жағдайды тұрақтандыру үшін нақты жоспар құрылды. Сіздерді бізбен бірге болып, медициналық қызметкерлерге қолдау көрсетуге шақырамыз. Инфекция емес, жақсы әдеттер тарататын сәт жетті", - деді Алексей Цой.
Айта кетейік, бұған дейін денсаулық сақтау министрі "коронавируспен күресуге ресурс пен шамамамыз жетіп жатыр" деген болатын.
