Денсаулық сақтау вице-министрі Ажар Ғиният қандай жағдайда маска тақпауға рұқсат берілетінін айтты, - деп хабарлайды Tengrinews.kz тілшісі.
Онлайн-брифингте журналист вице-министрден "Вакцина салдырған адам маска тақпауына бола ма?" деп сұраған.
"Ұжымдық иммунитет қалыптаспай, халықтың 60 пайызы вакцина салдырмай, масканы шешуге болмайды", - деп жауап берді Ажар Ғиният ОКҚ-дағы онлайн-брифингте.
Еске салайық, Қазақстанда 1 ақпанда коронавирусқа қарсы вакцина басталған болатын. 10 ақпандағы жағдай бойынша, 13 301 медицина қызметкері вакцина салдырған.
