+7 (777) 001 44 99
ПОДЕЛИТЬСЯ
Қазақстанда қылмыс деңгейі айтарлықтай төмендеді, - деп хабарлайды Tengrinews.kz тілшісі.
Қазақстанда қылмыс деңгейі айтарлықтай төмендеді, - деп хабарлайды Tengrinews.kz тілшісі.
Бұл туралы ҚР ішкі істер министрі Ерлан Тұрғымбаев халық алдында есеп беру кездесуінде мәлімдеді.
"Жыл басынан бері елдегі қылмыс 2,5 пайызға азайды, қарақшылық шабуыл - 7, тонау - 22, бұзақылық 26 пайызға қысқарды. Сонымен қатар, жасөспірімдер қылмысы мен мас күйінде жасалатын қылмыстар да айтарлықтай азайды және қылмысты ашу көрсеткіші жақсарды", - деді Тұрғымбаев.
Ерлан Тұрғымбаевтың айтуынша, Мемлекет басшысының тапсырмасымен "жұртқа жақын полиция" жоспары іске асып жатыр.
"Жұмыс шеңберінде тұрғын үй айналасында, саябақтарда және скверлерде жаяу патрульдің саны көбейтіліп, қалалардың аса криминогендік учаскелерінде заманауи полицияның модульдік бекеттері орнатылып жатыр. Сол бекеттерде азаматтарды тәулік бойы қабылдап, қызмет атқару үшін барлық қажетті жағдай жасалған. Сондай-ақ, "полицияны шақырту" дабыл жүйесі орнатылған. Арызданып келген азамат тікелей кезекші бөлімге хабарласа алады", - деді министр.
