1. Главная
  2. Узнай
  3. Новости
  4. Новости Казахстана

"Қазақстандағы ең үлкен ту қайда орналасқан?". Рәміздер туралы тест

Фото: Kazakh-tv.kz сайтынан Фото: Kazakh-tv.kz сайтынан

Бүгін, 4 маусым - Қазақстан Республикасының мемлекеттік рәміздері күні. Қазақстанның әр азаматы еліміздің рәміздерін жатқа біледі. Бүгінде мектеп кезінен рәміздерге деген құрметті арттырып, әр күн әнұранмен басталады. 

Қазақстан елтаңбасы 1992 жылы ресми түрде қабылданған. Оның авторлары - белгілі сәулетшілер Жандарбек Мәлібеков пен Шот-Аман Уәлиханов.

Тәуелсіз Қазақстанның Мемлекеттік туы да ресми түрде 1992 жылы қабылданған. Оның авторы - суретші Шәкен Ниязбеков.

Ал егемендік жылдары елімізде әнұран бір рет өзгерді. Тәуелсіз Қазақстанның алғашқы әнұранының жеті авторы бар. Әуенін Мұқан Төлебаев, Евгений Брусиловский мен Латиф Хамиди жазған. Ал мәтінінің авторлары - Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева.

2006 жылы Қазақстан мемлекеттік әнұраны ауысты. Оның негізі ретінде халықтың арасында кеңінен танымал "Менің Қазақстаным" патриоттық әні таңдап алынды. Ол әнді Шәмші Қалдаяқов 1956 жылы Жұмекен Нәжімеденовтің сөзіне жазған болатын. Әнұран қабылданған уақытта сол кездегі Президент Нұрсұлтан Назарбаев ән сөзін өзгертген. 

Бұл мәліметтерді еліміздің әр тұрғыны білетін болар. Бірақ сіз білмейтін де деректер бар. 

Tengrinews.kz тілшісі Қазақстанның мемлекеттік рәміздері туралы тесттен өтіп, өз біліміңізді байқап көруді ұсынады.

Бұрынғы туымыздың түсі қандай еді - Рәміздер жайлы біліміңізді тексеріңіз