Коронавирус жұқтырған балалар ауруды жеңіл өткереді, бірақ сақтану керек - маман20 июля 2020, 16:37
Фото:elements.envato.com
Коронавирус жұқтырған балалар ауруды жеңіл өткереді. Бұл туралы Алматы қаласының инфекционист дәрігері Тамара Утағанова айтты, деп хабарлайды Tengrinews.kz тілшісі.
Дәрігер COVID-19 жұқтырған балалар ауруды жеңіл өткізгенімен, олар да санитарлық-эпидемиологиялық нормаларды сақтау керегін атап өтті.
"Иә, коронавирус инфекциясын жұқтырған балалар ауруды жеңіл өткізеді, айтарлықтай жеңіл өткізеді. Бірақ бұл бізге уайымдамау керек дегенді білдірмейді және санитарлық-эпидемологиялық нормаларды, гигиеналық нормаларды сақтау керек. Карантин ережелерін де қатаң сақтау керек", - деді дәрігер Алматы қаласы ОКҚ онлайн-брифингінде.
Еске салайық, бұған дейін Қазақстанда 6 жасқа дейін 1200-ге жуық бала коронавирус жұқтырғаны хабарланды.
Айта кетейік, Қазақстанда коронавирус жұқтырғандар саны 71 838-ге жетті. 43 401 науқас дертінен айықты, 585 адам қайтыс болды.
Қазақстан жаңалықтары. Соңғы жаңалықтар. Telegram желісінде бізге жазыл!