1. Главная
  2. Узнай
  3. Новости
  4. Новости Казахстана

"Коронавирус жұқтырғандардың саны күрт көбейіп кетуі мүмкін". Президент халықты сабырға шақырды 27 апреля 2020, 12:20

Мемлекет басшысы Қасым-Жомарт Тоқаев халықты сабырға шақырып, ешқайда шықпай, үйде отыруды сұрады. Бұл туралы ол бүгінгі мәлімдемесінде айтты,
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото: akorda.kz Фото: akorda.kz

Мемлекет басшысы Қасым-Жомарт Тоқаев халықты сабырға шақырып, ешқайда шықпай, үйде отыруды сұрады. Бұл туралы ол бүгінгі мәлімдемесінде айтты, - деп хабарлайды Tengrinews.kz тілшісі. 

"Ел тұрғындарын бұл шараларға түсіністікпен қарауға шақырамын. Халқымызда "Төзім тілекке жеткізеді" деген мақал бар. Сондықтан сабыр сақтайық. Күннің жылынуы мен карантиннен шаршағандық жауапсыздыққа себеп болмауға тиіс. Карантин режимі бұзылса, коронавирусқа шалдыққандардың саны күрт көбейіп кетуі мүмкін. Әсіресе, созылмалы ауруы бар және егде адамдар ерекше сақ болуы керек", - деді Тоқаев.

Сонымен қатар, халықты Президент ешқайда шықпай, үйде отыруға шақырды.

"Кішкентай балалар да ауру жұқтыруы мүмкін екенін байқадық. Сондықтан олардың денсаулығына бей-жай қарауға болмайды. Әзірге бұл вирустың вакцинасы жоқ. Карантин шараларын қатаң ұстансақ қана індеттен құтыламыз. Аса қажеттілік болмаса, ешқайда шықпай, үйде отырыңыздар", - деді ол мәлімдемесінде. 

Еске салайық, Қасым-Жомарт Тоқаев елдегі төтенше жағдай режимін 11 мамырға дейін ұзартқан болатын. Сондай-ақ, ол халықты алдағы мамырдағы мерекелерді үйде атап өтуге шақырған еді. 



Join Telegram