+7 (777) 001 44 99
Қазақша
Русский
English
Қазақша
Русский
English
Өткен аптада алты қызғалдақ жұлдғаны үшін шымкенттік тұрғын 9 миллион теңгеге дейін айыппұл арқалауы мүмкін деген ақпарат шыққан. Желідегілер бұл оқиғаны қызу талқылады, әзілге айналдырғандары да бар. Біреуі ән қылған. Tengrinews.kz тілшісі қызғалдақ жұлуға қатысты желіде тараған әзілдерді жинады.
Бұл жайттан бейхабар оқырман болса, оқиғаны түсіндіріп өтейік. Шымкент тұрғыны Ақбастау ауылы маңында алты қызғалдақ жұлған кезде оны тәртіп сақшылары байқап қалған. Тәртіп бұзушы бөлімшеге жеткізіліп, ол жұлып алған гүлдер сараптамаға берілген.
Полицейлер Қазақстанның Қызыл кітабына енген гүлдерді жұлғаны үшін қатаң қылмыстық жауапкершілік қарастырылғанын ескертеді.
"Мысалы, бап санкциялары 3000 АЕК (8 миллион 751 мың теңге) мөлшерінде айыппұл салу, не сол мөлшерде түзеу жұмыстары, не 800 сағатқа дейінгі мерзімге қоғамдық жұмыстарға тарту түріндегі жазаны көздейді. Үш жылға дейінгі мерзімге бас бостандығын шектеу, сондай-ақ мүлкті тәркілеп, бес жылға дейінгі мерзімге белгілі бір лауазымдарды атқару немесе белгілі бір қызметпен айналысу құқығынан айыра отырып, сол мерзімге бас бостандығынан айыруы мүмкін", - дейді полиция қызметкерлері.
Қызғалдақ жұлған ер адам қанша айыппұл арқалауы мүмкін?
Мұндағы айыппұл сомасы қазақстандықтар арасында қызу талқыға түсті. Бірі Қызыл кітапқа енген осы гүл болуды қалайтынын айтып әзілдеген.
Ал қыздар қалжыңдап, қазіргі жігіттің батылдығы қызғалдақ сыйлау деп жатыр.
Әзілқойлар екі өзекті мәселеге айналған вакцинация мен қызғалдақ сомасын қосып, ролик түсірген.
Ал тағы бір желі қолданушысы "Онда мен де 9 миллион теңге айыппұл төлеуім керек" дейді. Неге деп ойлайсыз?
Оралда осындай да "қызғалдақтар" бар екен. Желіде тараған видеода ер адам далада жатқан қоқысты көрсетіп, оны қызғалдаққа балапты.
Тағы бір желі қолданушысы жұлынған қызғалдақ орнына қайта өседі деп санайды. Оны видеода толық айтып береді. Бірақ ол да ауласына шыққан қызғалдақты жұлар-жұлмасын білмей отырған секілді.
Желіде тараған тағы бір әзіл видеода шөп жейтін қойлар мәселесі көтеріліпті.
Тағы бірі әр жұлған қызғалдағын миллион теңгемен санап жүр.
Қызғалдақ жұлған ер адам оқиғасынан кейін Желіде ең көп тараған видео осы. Біреулер осы жайтқа байланысты ән арнапты.
