+7 (777) 001 44 99
ПОДЕЛИТЬСЯ
Парламент Мәжілісі және Мәслихат депутаттарын біріккен сайлау кампаниясына шамамен шығындар сметасы 15,3 миллиард теңге болады. Бұл туралы Орталық сайлау комиссиясының хатшысы Сәбила Мұстафина айтты, - деп хабарлайды Tengrinews.kz тілшісі.
Парламент Мәжілісі және Мәслихат депутаттарын біріккен сайлау кампаниясына шамамен шығындар сметасы 15,3 миллиард теңге болады. Бұл туралы Орталық сайлау комиссиясының хатшысы Сәбила Мұстафина айтты, - деп хабарлайды Tengrinews.kz тілшісі.
"Парламент Мәжілісінің бұған дейінгі 2016 жылғы сайлау кампанияларымен және 2019 жылғы президент сайлауымен салыстырғанда алдағы кампаниядағы шығындар көбейеді деп жоспарлап отырмыз.
Бірінші кезекте, жоспарланған шығынның көбеюі - Сайлау комиссиясы мүшелерінің еңбекақысын төлеу шығыстарының ұлғаюына байланысты жалақының төмен көрсеткішін көтеру.
Екіншіден, халық санының табиғи жолмен көбеюіне байланысты қайта құрылған 86 сайлау учаскесінің құрылуына шығындар көбейді. Оның құрамында комиссияның 600-ден аса мүшесі бар.
Үшіншіден, тауарлар, жұмыстар мен қызметтер, сондай-ақ пандемия жағдайында сайлау өткізуге байланысты міндетті шығындар бағасының инфляциясы. Кампания екі бюджет жылы аясында өтетінін атап өту керек. Сондықтан 2021 жылғы шығындар - 4,5 миллиард теңге "2021-2023 жылдарға арналған республикалық бюджет" туралы заң жобасында көзделген және бұл сома барлық деңгейдегі сайлау комиссиясы мүшелерінің жалақысын төлеуге жұмсалады.
Сонда жалпы Парламент Мәжілісі және Мәслихат депутаттарын біріккен сайлау кампаниясына шамамен шығындар сметасы 15,3 миллиард теңге болады. Бұл бюджет қаржысын тиімді пайдалануда ұтымды шешім болып отыр. Себебі екі бөлек сайлау өткізгенде шығын 25 миллиард теңге болатын еді", - деді ОСК хатшысы.
Еске салайық, бүгін Президент Мәжіліс депутаттарының кезекті сайлауын өткізу туралы жарлыққа қол қойған болатын. Сондай-ақ, Мемлекет басшысы сайлаудың ерекшелігін айтып, қазақстандықтарға үндеу жасаған еді.
Қазақстан жаңалықтары. Соңғы жаңалықтар. Telegram желісінде бізге жазыл! -
