Подписывайтесь на канал Tengrinews.kz в WhatsApp
14 июня 2021 13:31

Министр әр балаға 42 500 теңге жәрдемақы төлеуге қатысты пікірін айтты

Сандуғаш Сұлтан Корреспондент

ПОДЕЛИТЬСЯ

Фото: Тұрар Қазанғапов Фото: Тұрар Қазанғапов

ҚР еңбек және халықты әлеуметтік қорғау министрі Серік Шәпкенов халық алдында есеп беру кездесуінде әр балаға 42 500 теңгеден төлеу туралы сұрақтың кейінгі кезде жиі қойылып жүргенін айтты, - деп хабарлайды Tengrinews.kz тілшісі.


ҚР еңбек және халықты әлеуметтік қорғау министрі Серік Шәпкенов халық алдында есеп беру кездесуінде әр балаға 42 500 теңгеден төлеу туралы сұрақтың кейінгі кезде жиі қойылып жүргенін айтты, - деп хабарлайды Tengrinews.kz тілшісі.

"Барлық жәрдемақыны тоқтатып, әр балаға 42 500 теңгеден төлеу туралы сұрақты депутаттар да қойып жатыр, әлеуметтік желіде де, ортақ талқылауда да жүр. Бірақ біз бұл мәселенің екінші бір жағын да қарастыруымыз керек, мысалы қазірдің өзінде бізде 18 жасқа дейінгі 6 миллионнан аса бала бар. 42 мыңнан деп есептегенде оның қаражаты өте қомақты болады", - деді министр.

Шәпкеновтің айтуынша, министрліктің қазіргі бюджеті 4 триллионға жақын, оның көп бөлігі ана мен балаға жұмсалады.

"Республикалық бюджет 14 триллион, яғни үштен бірі біздің министрлікте. Оның 96 пайызы жәрдемақы, зейнетақы сияқты төлемдерге жұмсалады. Ал, ана мен балаға 700 миллиардтан аса қаражат бөлініп отыр. Оның бала күтіміне байланысты, бірреттік төлем деген сияқты түрлері бар, егер оның барлығын алып тастап, біріктірілген жәрдемақыны енгізетін болсақ, белгілі бір категориядағы адамдарда сұрақтар туындайды, сол үшін оның барлығын жіті зерттеп шығу керек", - деді Серік Шәпкенов.

Министрдің сөзіне қарағанда, қазақстандық мамандар шетелдің тәжірибелерін жіті зерттеп жатыр, егер оңтайлы нұсқа табылса, елдегі жәрдемақы төлеу жүйесіне өзгеріс енгізіліп қалуы мүмкін.

"Қазір әлемдік жақсы тәжірибелерді қарастырып жатырмыз, оның ішінде Ресей сияқты және өзге де шет мемлекеттер бар, экономикалық жағдайымызды ескеріп, егер тиімді модельдер болса алдағы уақытта қарастырамыз", - деді министр.

Айта кетейік, биыл мамырда Мәжіліс депутаттары Қазақстанда 18 жасқа дейінгі әр балаға орташа жалақы мөлшерінде жалпыға бірдей жәрдемақы енгізуді ұсынған болатын.

Читайте также
Join Telegram

Курс валют

 451.28   490.7   5.06 

 

Погода

 

Редакция Реклама
Социальные сети