Министрлік өкілі ІV тоқсанда оқушылар қалай оқитынын түсіндірді 26 марта 2021, 14:56
Білім және ғылым вице-министрі Шолпан Каринова мектеп оқушылары төртінші тоқсанда қалай оқитынын түсіндірді, - деп хабарлайды Tengrinews.kz тілшісі.
Шолпан Каринованың сөзінше, үшінші тоқсанда қазақстандық мектептерде 2,3 миллион оқушы (66 пайызы) дәстүрлі және аралас форматта оқыды. Ал оқушылардың 1,1 миллион (34 пайызы) қашықтан оқыды.
"Бүгінде төртінші тоқсан басталуына байланысты Үкімет жанындағы ведомствоаралық комиссия отырысында қаралып, 25 наурызда бас санитария дәрігерінің қаулысы қабылданды. Төртінші тоқсанда оқыту форматы өңір тәуекелі төмен немесе орташа аймақтарда болған жағдайда барлық оқушы мектептерде аралас форматта оқуға көшеді.
Сонымен қатар, бұған дейінгідей 300-ге дейінгі оқушылар саны бар мектептер жұмыстарын дәстүрлі форматта жалғастырады. Төртінші тоқсан форматына ауысқан кезде "бір оқушы - бір кабинет" принципі сақталып, оқушылардың саны әр сыныпта 25-тен аспауы керек. Сабақ әдеттегідей 40 минуттан болады", - деп түсіндірді вице-министр.
Шолпан Каринованың айтуынша, кейбір ерекше жағдайларда ата-аналардың өтініші негізінде бала науқастанып қалған жағдайда не ауру адаммен байланыста болған жағдайда қашықтан оқуға рұқсат берілуі керек.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!