1. Главная
  2. Узнай
  3. Новости
  4. Новости Казахстана

Нұр-Сұлтанда коронавирус жұқтырғандардың жартысына жуығы 30-ға толмаған

Фото ©Тұрар Қазанғапов Фото ©Тұрар Қазанғапов

Нұр-Сұлтанда коронавирус жұқтырғандардың 40 пайызы 30 жасқа толмаған. Бұл туралы қала әкімі Алтай Көлгінов мәлімдеді, - деп хабарлайды Tengrinews.kz тілшісі.

"Елордада коронавирус жұқтырған 1686 науқас тіркелді. 835  науқас немесе 51 пайызы жазылды. Қалғаны карантинде, өкінішке қарай, бес адам қайтыс болды", - дейді Көлгінов.

Нұр-Сұлтан әкімі елордада COVID-19 жұқтырғандардың жасы туралы баяндады.

"Қазір күнделікті өсім статистикасы екіден төрт пайызға дейін. Науқас азаматтардың 40 пайызы 30 жасқа толмаған. Ал 35 пайызы 30-дан 50 жасқа дейінгі азаматтар. Яғни, осы статистикаға жүгінсек, коронавирус жас талғамайды. Вирустан бәріміз сақтануымыз керек. Сақтықта қорлық жоқ", - деді әкім.