1. Главная
  2. Узнай
  3. Новости
  4. Новости Казахстана

Шөкеев: Шаруалар проблемасын айтып, шу көтерді

  • 5
Фото: yujanka.kz Фото: yujanka.kz

Түркістан облысының әкімі Өмірзақ Шөкеев өңірде 300 мың тонна орамжапырақ өтпей жатқанын айтып, үкімет басшысы Асқар Маминнен көмек сұрады, деп хабарлайды Tengrinews.kz тілшісі.

Оның айтуынша, облыста 300 мың тонна орамжапырақ өсірілген.

"Бірақ Ресейде бұл өнімге сұраныс күрт түсіп кетті. Біз барлық облыспен меморандумға қол қойдық. Олар алмай жатыр. Бізде осы 300 мың тонна орамжапырақты сату бойынша проблема бар", - деді облыс әкімі үкімет отырысында.

Өмірзақ Шөкеев қазіргі таңда өнімнің бағасы төмендеп жатқанын, шаруалар шу көтергенін жеткізді.

"Бүгінде өнімнің 1 келісі - 10-15 теңгеге төмендеп кетті. Фермерлер шу көтеріп жатыр. Сондықтан министрліктермен бірге бұл мәселені шешуге қандай мүмкіндіктер бар? Қазіргі таңда 250 мың тонна орамжапырақ дайын тұр. Оны бір жерге орналастыру керек. Олай болмаса, үлкен проблема туындайды. Қазір олар шулап жатыр", - деді өңір басшысы.

Осы орайда үкімет басшысы Асқар Мамин ауыл шаруашылығы министріне тапсырма берді.

"Облысқа көмек көрсету керек. Бірге жұмыс істеңіз", - деді премьер-министр.