Алматы облысының орталығында 670 үйлік коттедж қалашығы салынып жатыр. Биыл 345-і пайдалануға беріледі. Бұл туралы аймақ басшысы Амандық Баталов айтты, - деп хабарлайды Tengrinews.kz тілшісі
Алматы облысының орталығында 670 үйлік коттедж қалашығы салынып жатыр. Биыл 345-і пайдалануға беріледі. Бұл туралы аймақ басшысы Амандық Баталов айтты, - деп хабарлайды Tengrinews.kz тілшісі
"Алматы облысында тұрғын үй құрылысы жақсы қарқынмен жүріп жатыр. 9 айда 712,4 мың шаршы метр тұрғын үй пайдалануға беріліп, өсім 7,6 пайыз болды. Ал жылдық жоспар - 938,8 мың шаршы метр. "Нұрлы жер" бағдарламасы шеңберінде тұрғын үйлер мен инженерлік инфрақұрылымдардың құрылысына 38,3 миллиард теңге бөлінді", - деді облыс әкімі ОКҚ онлайн-брифингте.
Аймақ басшысының айтуынша, облыста барлығы 2 843 пәтерлік 566 тұрғын үй салынып жатыр, оның 1020-сы көпбалалы отбасылға беріледі. 1 533 отбасы "7-20-25", "Бақытты отбасы" және "Шаңырақ 5-10-20" жеңілдетілген бағдарламалары арқылы пәтер алады.
Амандық Баталов облыс орталығында коттедж қаласы салынып жатқанын атап өтті.
"Облыс орталығы Талдықорғанда 670 үйлік коттедж қалашығының құрылысы жүріп жатыр. Биыл 345-ін қолданысқа береміз. Мұнда мектеп, балабақша, балалар және спорт алаңдары салынып жатыр", - деді ол.
Қазақстан жаңалықтары. Соңғы жаңалықтар. Telegram желісінде бізге жазыл!
