+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Alash Media Group медиахолдингі және Pantograph продюсерлік орталығы #КвартирникTengri онлайн-концерттер сериясын жалғастырады. Бүгін, 23 сәуір, сағат 20:00-де әнші Қарақат Әбілдинамен Insta-Live өтеді.
Alash Media Group медиахолдингі және Pantograph продюсерлік орталығы #КвартирникTengri онлайн-концерттер сериясын жалғастырады. Бүгін, 23 сәуір, сағат 20:00-де әнші Қарақат Әбілдинамен Insta-Live өтеді.
Әншінің айтуынша, ол карантинді үйінде отбасымен өткізіп жатыр.
"Аллаға шүкір, отбасымызбен, бала-шағамызбен төрт көзіміз түгел үйде, 24 сағат балаларымның қас-қабағына қарап, жағдайын жасап отырмыз. Оқуды бірге оқып, не істесек те бірге істеп, ешқайда асықпай, бұрынғыдай жанталаспай, жүгірмей, тыныштықта өтіп жатыр", - дейді әнші.
Видео: Той Думан арнасы
Әншіден #КвартирникTengri сияқты жобалар туралы ойын сұрадық.
"Жалпы халықтың көңіл-күйін көтеру мақсатында ұйымдастырасыздар ғой. Өте құптарлық жағдай. Сондықтан да қатысайық деп келісім беріп отырмыз. Себебі мақсатымыз біреу-ақ - қолымыздан келгенше, кішкене болса да іші пысқан, еңсесі түскен халықтың көңіл-күйін көтеріп, жақсы сөзімізді айтып, әнімізді айтып әсер ету", - деді Қарақат Әбілдина.
Видео: Agugai
Айта кетейік, Қарақат Әбілдина - қазақ дәстүрлі әнін насихаттаушы, халық және эстрада әндерін орындаушы. Қазақстанның еңбек сіңірген қайраткері. Бүгінде шәкірт тәрбиелеп отырған ұстаз. Еліміздің бірнеше өңірінде "Қарақат" мектеп студиясы бар.
#КвартирникTengri жобасы COVID-19 вирусымен күрес кезінде үйде қалып, қауіпсіздік шараларын сақтаудың маңызына мән береді. Бұған дейін жоба аясында Urker тобы, Motor-Roller рок-тобының әншісі Ілияс Аутов, әнші Son Pascal, BluesMotel Indie-rock-тобы, Luina, Ayree, Argymak этнорок-тобының фронтмені Ринат Рамазанов, әнші Алиса Вокс және "Конец фильма" тобының әншісі Евгений Феклистов, Меруерт Түсіпбаева, Ұшқын Жамалбек, Мирас Жүгінісов өнер көрсетті.
Қазақстан жаңалықтары. Соңғы жаңалықтар. Telegram желісінде бізге жазыл!
