"Бәрімізді жылатты". Сәкен Майғазиев кастингке қатысқан қыздың видеосын жариялады

06 Тамыз, 18:05
0
"Бәрімізді жылатты". Сәкен Майғазиев кастингке қатысқан қыздың видеосын жариялады - Видео кадрлары
Видео кадрлары

"МузАРТ" тобының әншісі Сәкен Майғазиевтің Алматыдағы өнер мектебінде жүріп жатқан іріктеу кезеңінің кастингіне келген қыз қазылар алқасын жылатты, - деп хабарлайды Tengrinews.kz тілшісі.

Мәншүк Мәметованың анасымен қауыша алмай қалғандағы монологын оқыған қыз видео ортасында сөзін ұмытып қалады. Алайда осы кезде Сәкен Майғазиев оған қолдау білдіріп, шапалақ ұрады.

Роликтегі қыздың есімі Айым, жасы жетіде екен. Биыл ол 2-сыныпқа көшіпті. Оның анасы Instagram желісіндегі парақшасында қызының іріктеу кезеңінен өткенін хабарлап, сүйінші сұраған. "Аллаға шүкір. Айым қыздарыңыз іріктеуден өтті. Құттықтай берсеңіздер болады", - деп жазба қалдырған Жазира Мешітбаева. 

Қазылар алқасында Сәкен Майғазиевтан бөлек әнші Маржан Арапбаева да болған. 

"Бәрімізді жылатты. Өнерің өрге бассын, балапаным", - дейді жазбасында Сәкен Майғазиев. 


Сәкен Майғазиев пен Айым © instagram.com/meshitbaevazhazira

Желі қолданушылары да таңғалыстарын жасыра алмады. 

"Шошып кеттім, даусы театрға арнайы қойылғандай жылап шыққанда. Аман болсын!", "Туа біткен актриса бір минутта көзден жас шығарды. Аман бол балапан", - дейді желі қолданушылары. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Читают
Обсуждают
Сегодня
Неделя
Месяц