Бостандыққа шыққан Қуат Хамитов мәлімдеме жасады 15 сентября 2020, 13:15
Қазақстандық файтер Қуат Хамитов бостандыққа шықты, - деп хабарлайды Tengrinews.kz тілшісі.
Журналист Серік Ноянның Instagram-парақшасында спортшының бостандыққа шыққан сәтінің видеосы жарияланды.
"Бәрі дұрыс, ешқандай қысым болған жоқ. Бостандықтамын, мені жіберді. Уайымдап жатқан халыққа айтарым, көп рақмет, бәрі дұрыс, уайымдамаңыздар", - деді файтер.
Бірақ "Найман" осы оқиға бойынша қылмыс істің біткен-бітпегенін айтқан жоқ.
"Өзімнің босағаным қазір ғана. Шаршап тұрмын. Ол туралы біраз уақыттан кейін сұхбат берермін", - деді Хамитов.
Посмотреть эту публикацию в Instagram
Еске салайық, Қуат Хамитов кеше дезинфекторларды ұрып-соғуға шақырғаны үшін ұсталған болатын. Кейін Ішкі істер министрлігі Хамитовтің жазбасы қылмыс екенін айтқан еді.
Артынша спортшы видеоны әзіл ретінде түсіргенін және ешкімді ренжіткісі келмейтінін мәлімдеген.