+7 (777) 001 44 99
Қазақша
Русский
English
30 мая 2018 | 17:05
Алматылық қыз Интернетте жігітпен танысамын деп қомақты ақшасынан айырылды
Алматы қаласы Алмалы ауданының соты интернет арқылы танысқан қызды алдап, бір жарым миллиондай ақшасын алған жігітке қатысты үкім шығарды, - деп хабарлайды Тengrinews.kz тілшісі сот үкіміне сілтеме жасап.
ПОДЕЛИТЬСЯ
Алматы қаласы Алмалы ауданының соты интернет арқылы танысқан қызды алдап, бір жарым миллиондай ақшасын алған жігітке қатысты үкім шығарды, - деп хабарлайды Тengrinews.kz тілшісі сот үкіміне сілтеме жасап.
Іс материалы бойынша, 24 жастағы талдықорғандық интернет арқылы алматылық бойжеткенмен танысқан. Кейін онымен хат алмасып жүріп, сеніміне кіреді. Осыдан кейін ол қызды ата-анасы жол апатынан қайтыс болды, ал туыстары араласпай кетті деп алдаған. Осылайша, қыздың жанашырлық сезімін ояту арқылы алғашында 450 000 теңгесін алған. Мұны ол ата-анасының басына ескерткіш тас қоямын деген сылтаумен иемденген. Келесі күні ақша жетпей қалғанын айтып, бойжеткеннің құны 150 000 теңге алтын алқасын алып кетіпті. Одан кейін ата-анасының тірі кезінде алған қарызын қайтару керек деген сылтаумен тағы 200 000 теңге алады. Қыздың сеніміне кірген алаяқ соңғы рет қатерлі ісікке шалдықтым деп алдап, 600 000 теңге алған екен.
Осылайша, ол бойжеткеннің сеніміне кіріп, алаяқтық жолмен жалпы 1 400 000 теңге алған.
Сот үкімімен ол ҚР Қылмыстық кодексінің 190-бабы 3-бөлігінің 1-тармағы бойынша кінәлі деп танылып, үш жылға бас бостандығынан айырылды. Алайда оның шығынды өтеуі мен қылмысын мойындағанына байланысты жазасы жеңілдетілген.
"ҚР Қылмыстық кодексінің 53-бабының талаптарына сай, кінәсін толық мойындағанын, жасаған ісіне өкінгенін, бұрын сотты болмағанын, жастығын, жәбірленушіге келген материалдық шығын толық қайтарғанын оның жауаптылығы мен жазасын жеңілдететін мән-жайлар деп ескеріліп, 63-баптың талаптарына сай тағайындалған жаза шартты деп есептеліп, пробациялық бақылау белгіленді", - делінген үкімде.
Показать комментарии
Читайте также
