Коронавирус инфекциясы бойынша эпидемиологиялық жағдай нашарлап жатыр. Бұл туралы Алматының бас санитария дәрігері Қарлығаш Әбдіжаббарова мәлімдеді, - деп хабарлайды Tengrinews.kz тілшісі.
Коронавирус инфекциясы бойынша эпидемиологиялық жағдай нашарлап жатыр. Бұл туралы Алматының бас санитария дәрігері Қарлығаш Әбдіжаббарова мәлімдеді, - деп хабарлайды Tengrinews.kz тілшісі.
"Қалада 100 мың адамға шаққанда бір аптадағы ауру өсімі салыстырмалы баяулады, 6,5-тен 2-ге. Бірақ бір тәуліктегі көрсеткіш 0,97-ден 1,24-ке өсті. Ауру жағдайларының лезде көбеюі омикрон штамының дельта штамын ығыстыруынан болып отыр. Осылайша бір тәулікте вирус жұқтырғандар саны екі жарым мыңға жетті. Ай соңында тәулігіне 3 мың адамға дейін коронавирус жұқтырады деп болжап отырмыз", - деді Қарлығаш Әбдіжаббарова.
Бас санитария дәрігері қалада СOVID-19-ды қайта жұқтыру дерегі екі есе өскенін айтты.
"Бұрын-соңды вирус жұқтырғандар арасында ауру 16 есе өсті. Ал вакцина алғандар арасында 3,6 есе. Осылайша вакцина вирус жұқтырудан жақсы қорғайтынын көрсетіп отыр", - деді ол.
Өзекті жаңалықтарды сілтемесіз оқу үшін Telegram желісінде парақшамызға тіркеліңіз!
