Алматыда алдағы екі айда эпидахуал қандай болады? Мамандар болжамы

Сымбат Сатыбалдина Журналист

Фото: Tengrinews.kz/Әлихан Сариев

Алматыда 30 қыркүйекке дейінгі коронавирусқа байланысты болжам жасалды, - деп хабарлайды Tengrinews.kz тілшісі.

Алматы қаласы Қоғамдық денсаулық басқармасының басшысы Нариман Табынбаевтың сөзінше, негізгі болжамға сәйкес аурудың шарықтау шегі тамыздың бірінші онкүндігіне келеді.

"Тәулігіне 1600-ге жуық жаңа жағдай тіркеледі. Пессимистік болжамға сәйкес, аурудың шарықтау шегі 10-11 тамызда, тәулігіне 1900-ге дейін жаңа жағдай тіркеледі. 2021 жылдың тамыз айында 34 500 жағдай, ал қыркүйекте 4 500 жағдай тіркеледі деп болжам жасалды", - дейді Табынбаев ӨКҚ брифингінде.

Осыған байланысты 7 мың инфекциялық төсек-орын жүктемесі дайындалған. Резервте қосымша 3000 төсек-орын бар. Егер жағдай ушығатын болса, тағы да резервтік 2000 төсек-орын қарастырылған.