1. Главная
  2. Узнай
  3. Новости
  4. Новости Казахстана

Алматыда коммуналдық қызмет ақысы кімдерге өтеп берілетіні айтылды 20 апреля 2020, 17:26

Алматы қаласында коммуналдық төлем ақысы 60 мыңға жуық адамның дербес шотына аударылады, - деп хабарлайды Tengrinews.kz тілшісі.

Фото: elements.envato.com Фото: elements.envato.com

Алматы қаласында коммуналдық төлем ақысы 60 мыңға жуық адамның дербес шотына аударылады, - деп хабарлайды Tengrinews.kz тілшісі.

Бұл туралы Алматы қаласы энерготиімділік және инфрақұрылымдық даму басқарманың басшысы Әсет Масабаев қалалық өңірлік коммуникациялар қызметінің онлайн-брифингінде айтты.

"Мемлекеттік комиссияның шешімі бойынша, индустрия министрлігі коммуналдық меншікті өтеу бойынша ереже бекітті. Осы ережеге сәйкес және коммуналдық өтеуді қабылдайтын әлеуметтік әл-ауқаты төмен тұрғындар бекітілді", - деді Масабаев.

Спикер келесі санаттағы азаматтар тізімін атады:

І, ІІ, ІІІ топтағы мүгедектер, мүгедек бала тәрбиелеп отырған отбасылар, көпбалалы отбасылар, Ұлы Отан соғысының мүгедектері мен қатысушылары, Ұлы Отан соғысының мүгедектері мен қатысушыларына теңестірілген тұлғалар, мемлекеттік немесе қоғамдық міндеттерін, әскери қызметін орындау барысында, ғарыш кеңістігіне ұшуға дайындық барысында немесе ұшу кезінде, адам өмірін құтқару және құқықтық-тәртібін орындау кезінде қаза тапқан тұлғалардың отбасылары, ең төменгі зейнетақы алатын зейнеткерлер, атаулы әлеуметтік көмек алатын азаматтар, оның ішінде жалғызбасты зейнеткерлер.

Сонымен қатар, басқарма басшысы аталған тұлғалардың коммуналдық меншікті өтеу шотына сәуір және мамыр айларына 15 000 теңге аударылатынын айтты.

"Тізімге енгізілген барлық тұтынушы көмек алуға құқылы. Айта кететін жағдай, Алматы қаласында бұл тізімде 60 мыңға жуық адам бар. Осы азаматтардың әрбір дербес шотына 15 мың теңгеден бөлінеді. Бұл 15 мың теңге екі айға: сәуір және мамыр айларына бөлінеді. Сәуір айына келетін коммуналдық меншік бойынша өтеу мамыр айында, мамыр айындағы өтеуге маусым айында келеді", - деді спикер.

Еске салайық, Алматыда 20 сәуірден бастап өнеркәсіп кәсіпорындары, құрылыс нысандары және заңды тұлғаларға қызмет көрсететін бір ХҚКО жұмыс істейді.

Қазақстан жаңалықтары. Соңғы жаңалықтар. Telegram желісінде бізге жазыл!