Ashyq қосымшасында қанша адам тіркелгені белгілі болды, - деп хабарлайды Tengrinews.kz тілшісі.
Ashyq қосымшасында қанша адам тіркелгені белгілі болды, - деп хабарлайды Tengrinews.kz тілшісі.
Цифрлық даму, инновациялар және аэроғарыш өнеркәсібі вице-министрі Әсет Тұрысовтың айтуынша, бүгінде Ashyq қосымшасын 235 мың қолданушы жүктеген.
"Пилоттық режим нәтижесі бойынша, бүгінде Ashyq қосымшасын 235 мың қолданушы жүктеген. Пилоттық режимге 619 нысан қатысты. Оның ішінде, фитнес-клубтар, йога, СПА орталықтары, бассейн, компьютер клубтары бар. Жалпы жоба басталғалы 560 адамның статусы "қызыл" болды", - деді Әсет Тұрысов онлайн-брифингте.
"Бәріне міндетті ме?" Ashyq туралы маңызды 5 сұраққа жауап
Еске салайық, коронавирусқа қарсы вакцина салғызған қазақстандықтардың жеке иммундық мәртебесі туралы ақпараты бар QR-коды болатыны туралы 2 ақпанда хабарланған болатын. Ол "Ашық" медициналық қосымшасымен біріктірілген. Онда медициналық ақпараттық жүйелердегі азаматтар бойынша, оның ішінде QR-код құралдары бойынша тексеруге ұсыну үшін коронавирусқа қарсы вакцинациядан өту туралы деректер жинақталады.
Ashyq қосымшасы бойынша пилоттық жобаның бірінші кезеңі 17 қаңтарда Алматы, Нұр-Сұлтан және Қарағанды қалаларында жүзеге асырыла бастаған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
