Подписывайтесь на канал Tengrinews.kz в WhatsApp
08 июля 2020 17:19

"Бір тұрғын 16 адамға COVID-19 жұқтырды". Ахметов шығысқазақстандықтарға ескерту жасады

Даурен Ерболат Журналист

ПОДЕЛИТЬСЯ

Шығыс Қазақстан облысының әкімі Даниал Ахметов өңірде коронавирус жұқтыру дерегі неге азаймай тұрғанын түсіндірді, - деп хабарлайды Tengrinews.kz тілшісі. 


Шығыс Қазақстан облысының әкімі Даниал Ахметов өңірде коронавирус жұқтыру дерегі неге азаймай тұрғанын түсіндірді, - деп хабарлайды Tengrinews.kz тілшісі. 

Ахметов облыста 2 313 адам коронавирус жұқтырғанын, 1 122 науқас (48,5 пайыз) дертінен айыққанын, 82 адам өлімі тіркелгенін атап өтті.

"Мамырда ешкім маска таққан жоқ. Арақашықтықты сақтауды ұмытып кеттік. Жерлестеріміз той жасады. Олар шектеуге қарамастан түрлі шара өткізді", - деді облыс әкімі.

Даниал Ахметов карантин талабын сақтамай, той жасаған шығысқазақстандықтарды мысалға келтірді.

"Естеріңізге салайын. Семей қаласының тұрғыны туыстарына келген. Салдарынан 16 адамға коронавирус жұқтырды. Тағы бір апамыз немересінің туған күнін өткізген. Салдарынан 9 адам ауырды. Ондай мысалдар көп", - деді өңір басшысы.

Облыс әкімі өңір тұрғындары карантин талабын қатаң сақтауы керек екенін атап өтті.

"Мұнда мәселе өзімізде болып тұр. Арақашықтықты сақтауымыз керек. Тәртіп болуы шарт. Дүниежүзі коронавирусты осы әдіспен жеңіп жатыр. Мысалы, Германияны алайық. Олардан үлгі алуға болады. Кішкентай Грузияның өзінде халық тәртіпке бағынып отыр. Тәртіп болуы керек", - деп түйіндеді сөзін Даниал Ахметов.

Читайте также
Join Telegram

Курс валют

 448.15   483   4.85 

 

Погода

 

Редакция Реклама
Социальные сети