1. Главная
  2. Узнай
  3. Новости
  4. Новости Казахстана

Елімізде Абай атындағы мектептер желісі ашылады

Фото: bilimdinews.kz Фото: bilimdinews.kz

Білім және ғылым министрі Асхат Аймағамбетов елімізде Абай атындағы мектептер желісі ашылатынын айтты, деп хабарлайды Tengrinews.kz тілшісі.

Оның айтуынша, Абайдың туғанына 175 жыл толуына орай Абай атындағы мектептер желісі және мектеп-интернаттарын ашу басталған.

"Мұнда гуманитарлық пәндер тереңдетіліп оқытылады. 10 өңірде бұл мектептер ашылды. Осы жылдың аяғында қалған тағы 7 өңірде осындай мектептерді ашуды жоспарлап отырмыз. Жалпы бұғыттағы жұмыс жалғасады", - деді министр халыққа есеп беру кездесуінде.

Айта кетейік, бүгін білім және ғылым министрі Асхат Аймағамбетовтің халық алдында есеп беру кездесуі Facebook желісінде өтіп жатыр. Онда ведомство басшысы білім сапасы және мұғалімдердің жалақысын көтеру сынды өзекті мәселелерге тоқталды.