1. Главная
  2. Узнай
  3. Новости
  4. Новости Казахстана

Елордада 270 бала коронавирус жұқтырған - Қисықова

Фото: iStock Фото: iStock

Нұр-Сұлтан қаласының қоғамдық денсаулық сақтау басқармасының басшысы Сәуле Қисықова шаһарда 270 бала коронавирус жұқтырғанын айтты, деп хабарлайды Tengrinews.kz тілшісі.

Оның айтуынша, елордада 2 620 тұрғын вирус жұқтырған.

"Оның 270-і бала. Бүгінгі таңда 1 829 науқас немесе 79 пайызы жазылып шықты", - деді ол орталық коммуникациялар қызметінде өткен брифингте.

Сондай-ақ, ол аурудан көз жұмған науқастарға тоқталды.

"Өкінішке қарай, 14 адам медициналық көмекке қарамастан қайтыс болды. Олардың жасына тоқталайын. 40-50 жас аралығында 2 адам, 50-60 жасқа дейінгі 4 адам, 60 жастан жоғары 8 адам", - деді Сәуле Қисықова.

Айта кетейік, Қазақстанда 13 872 адам індет жұқтырған. 8 593 науқас жазылды, 67 адам аурудан көз жұмды.