1. Главная
  2. Узнай
  3. Новости
  4. Новости Казахстана

Елордада індет жұқтырған келіншектер дені сау 12 нәрестені дүниеге әкелді

Фото:7ya.ru Фото:7ya.ru

Елордада COVID-19 вирусын жұқтырған келіншектер дені сау 12 нәрестені дүниеге әкелді. Бұл туралы Нұр-Сұлтан қаласының қоғамдық денсаулық сақтау басқармасының басшысы Сәуле Қисықова айтты, деп хабарлайды Tengrinews.kz тілшісі.

"Қаладағы жұқпалы ауруханаларда коронавирус жұқтырған аналар дені сау 12 нәрестені дүниеге әкелді. Бұл - біздің медицина қызметкерлерінің үлкен еңбегінің нәтижесі екенін атап өткім келеді", - деді басшы орталық коммуникациялар қызметінде өткен брифингте.

Айта кетейік, осыған дейін Нұр-Сұлтан қаласының қоғамдық денсаулық сақтау басқармасының басшысы астанада 270 бала коронавирус жұқтырғанын айтқан болатын.

Айта кетейік, Қазақстанда 13 872 адам індет жұқтырған. 8 593 науқас жазылды, 67 адам аурудан көз жұмды.