1. Главная
  2. Узнай
  3. Новости
  4. Новости Казахстана

Ертең Алматыда тұмауға қарсы жаппай егу басталады - Бекшин 14 сентября 2020, 17:47

Алматы қаласының бас санитар дәрігері Жандарбек Бекшин ертең, 15 қыркүйекте тұмауға қарсы жаппай егу басталатынын айтты, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото: ttelegraf.ru Фото: ttelegraf.ru

Алматы қаласының бас санитар дәрігері Жандарбек Бекшин ертең, 15 қыркүйекте тұмауға қарсы жаппай егу басталатынын айтты, - деп хабарлайды Tengrinews.kz тілшісі.

"Ертең тұмауға қарсы жаппай егу басталады. Қалалық қоғамдық денсаулық сақтау басқармасы дайындық жұмыстарын жүргізді. Мысалы, былтыр әлеуметтік осал топтар үшін тұмауға қарсы екпенің 100 мың дозасы алынды. Ал биыл екпенің 130 мың дозасын сатып алдық. Сондай-ақ, біз коронавирус инфекциясына байланысты тағы қосымша тұмауға қарсы екпенің 300 мың дозасын сатып алмақшымыз. Ол қараша айында келеді", - дейді ол қалалық өңірлік коммуникациялар қызметінде өткен брифингте.

 Бекшиннің айтуынша, биыл тұмауға қарсы екпенің дозасы 4 есе артқан.

"Вакцинаның көлемін 4 есе көбейттік. Тұмауға қарсы екпенің бағасы шамамен 2500-4500 теңге. Бұл коронавирустың жаңа толқынына дайындық деп айтуға болады", - дейді қалалық тауарлар мен қызметтердің сапасы мен қауіпсіздігін бақылау департаментінің басшысы.

Сондай-ақ, Алматы қаласының бас санитар дәрігері екпені алу неге маңызды екенін түсіндірді.

"Биыл біз тұмауға қарсы жаппай егуді ерте бастадық. Осыған дейін бұл жұмысты қазанның басында жүргізетін едік. Осы жылы екпе салуды 2-3 апта бұрын бастап отырмыз. Неге? Себебі, коронавирустың алдын алуымыз керек. Яғни COVID-19-ға дайын болуымыз қажет. Егер біз екпені тезірек алсақ, иммунитетті де ертерек аламыз. Осылайша, өзімізді қауіпті инфекциясының бірінен қорғаймыз", - дейді Бекшин.

Дәрігер тұмаудан қалай сақтану керегін айтты

Айта кетейік, бүгін денсаулық сақтау министрі Алексей Цой Қазақстанда коронавирустың екінші толқыны болуы мүмкін екенін айтқан еді.

Алматыда 14 322 адам коронавирус жұқтырды. 13 925 науқас жазылды, 269 

Қазақстанда COVID-19 жұқтырғандар саны 106 855-ке жетті. 100 627 науқас дертінен айықты, 1 671 адам қайтыс болды.

Қазақстан жаңалықтары. Соңғы жаңалықтар. Telegram желісінде бізге жазыл!



Join Telegram