+7 (777) 001 44 99
ПОДЕЛИТЬСЯ
2020 жылдың бірінші тоқсанында қызметкерлері жемқорлықпен ұсталу көрсеткіші бойынша Ішкі істер министрлігі көш бастап тұр. Бұл туралы Сыбайлас жемқорлыққа қарсы іс-қимыл агенттігі Стратегия және жедел басқару департаментінің басшысы Нұрлан Жақсымбетов мәлімдеді, - деп хабарлайды Tengrinews.kz тілшісі.
2020 жылдың бірінші тоқсанында қызметкерлері жемқорлықпен ұсталу көрсеткіші бойынша Ішкі істер министрлігі көш бастап тұр. Бұл туралы Сыбайлас жемқорлыққа қарсы іс-қимыл агенттігі Стратегия және жедел басқару департаментінің басшысы Нұрлан Жақсымбетов мәлімдеді, - деп хабарлайды Tengrinews.kz тілшісі.
"Жемқорлықпен ұсталғандардың саны тоғыз пайызға өсті. Олардың әр төртінші адамы - мемлекеттік органдар мен ұйымдардың бірінші жетекшісі. Жалпы, 417 адам жемқорлықпен ұсталды. Оның 11-і республикалық деңгейдегі басшылар, 37-і облыстық, 35-і қалалық және аудандық деңгейдегі басшы", - деді Жақсымбетов онлайн-брифингте.
Ал орталық республикалық органдар арасында Ішкі істер министрлігінің қызметкерлері жемқорлықпен жиі ұсталған.
"Орталық республикалық органдардағы жемқорлыққа келер болсақ. Жемқорлықпен ұсталған адамдардың басым бөлігі, 57 пайызы - Ішкі істер министрлігінің қызметкерлері. Бұл органның 70 қызметкері жемқорлықпен ұсталды. Сондай-ақ, "көшбасшылардың" арасында Экология министрлігі, Ауыл шаруашылығы министрлігі, Қаржы министрлігі, Индустрия және инфрақұрылымдық даму министрлігі бар", - деді агенттік қызметкері.
Оның айтуынша, жергілікті атқарушы органдардан жемқорлықпен ұсталғандардың басым бөлігі Шығыс Қазақстан облысы, Жамбыл, Қызылорда, Түркістан және Қостанай облыстарының әкімдігінде жұмыс істейді.
