1. Главная
  2. Узнай
  3. Новости
  4. Новости Казахстана

Қазақстанда эпидемиологиялық жағдай қиындап барады - денсаулық вице-министрі 27 ноября 2020, 17:13

27 қарашадағы жағдай бойынша республикамыз орташа қауіпті аймақта тұр. Бұл туралы денсаулық сақтау вице-министрі Ажар Ғиният айтты, - деп хабарлайды
РИА Новости РИА Новости

27 қарашадағы жағдай бойынша республикамыз орташа қауіпті аймақта тұр. Бұл туралы денсаулық сақтау вице-министрі Ажар Ғиният айтты, - деп хабарлайды Tengrinews.kz тілшісі.

"Қазақстан Республикасында коронавирусқа қатысты эпидемиологиялық жағдай қиындап барады. (...) 27 қарашадағы жағдай бойынша республикамыз орташа қауіпті аймақта тұр. Қауіпті бес өңірде қатаң шектеу шаралары енгізілген. Олар: ШҚО, СҚО, Павлодар, Қостанай, Ақмола облыстары. Алматы қаласында да аурушаңдық өсуде. Қалған өңірлер жасыл аймақта тұрақты, бірақ жұқпалы КВИ-ден ауырғандар тіркеліп жатыр", - деді Ажар Ғиният ОКҚ онлайн-брифингте. 

Вице-министр елімізде қазанмен салыстырғанда қарашада КВИ жұқтырғандар едәуір көбейгенін атап өтті.

"Республикада қазанмен салыстырғанда қараша айында коронавирус жұқтырғандар 3,7 есе өскен.Еліміздегі барлық жағдайдың 70 пайызы "қызыл" аймақта тұрған бес өңірге тиесілі. Өңірлердегі эпиджағдайды ескере отырып, бүгінде аймақ әкімдері қоғамдық тамақтану орындарына келушілер санын шектеу, кәсіпкерлік және өзге де қызмет нысандарының жұмыс кестесін қысқартуға, демалыс күндері қоғамдық көлік қозғалысын тоқтату сынды қатаң шаралар қабылдады", - деді ол.

Айта кетейік, елімізде коронавирус жұқтырғандар саны 129 213-ке жетті. 115 384 адам жазылды, 1 990 науқас қайтыс болды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!