+7 (777) 001 44 99
ПОДЕЛИТЬСЯ
Сенаттың жалпы отырысында қылмыстық кодекстегі 130-бап ("Жала жабу") әкімшілік құқық бұзушылық туралы кодекске ауыстырылатыны айтылды, деп хабарлайды Tengrinews.kz тілшісі.
Сенаттың жалпы отырысында қылмыстық кодекстегі 130-бап ("Жала жабу") әкімшілік құқық бұзушылық туралы кодекске ауыстырылатыны айтылды, деп хабарлайды Tengrinews.kz тілшісі.
Бүгін сенаттың жалпы отырысында мәжілістің бір топ депутатының бастамашылдығымен дайындалған "Қазақстан Республикасының кейбір заңнамалық актілеріне атқарушылық іс жүргізуді және қылмыстық заңнаманы жетілдіру мәселелері бойынша өзгерістер мен толықтырулар енгізу туралы" заң жобасы талқыға салынды. Заң жобасын депутат Асылбек Смағұлов таныстырды.
"Заң жобасында қылмыстық кодекске енгізілетін түзетулер бар. Олар ұлттық қоғамдық сенім кеңесінің екінші отырысында Президент Қасым-Жомарт Тоқаев берген тапсырманы орындауға бағытталған. Бұл - жала жабуды қылмыстық сипаттан арылту. Осыған орай депутаттар жала жабуды әкімшілік құқық бұзушылық туралы кодекске ауыстыруға бастама жасады. Бұл халықаралық тәжірибеге, яғни экономикалық ынтымақтастық және даму ұйымының сыбайлас жемқорлыққа қарсы Ыстамбұл іс-қимыл жоспарының ұсынысына сәйкес келеді", - деді ол.
Сонымен қатар, депутат қылмыстық кодекске енгізілетін тағы бір өзгеріске тоқталды.
"Әлеуметтік ұлттық, рулық, нәсілдік, тектік топтық немесе діни араздықты қоздыру үшін жауапкершілікті көздейтін қылмыстық кодекстің 174-бабына түзетулер енгізілді. Атап айтқанда, "қоздыру" сөзі "тұтандыру" сөзімен алмастырылады. Айыппұл жазаның баламалы түрі ретінде енгізіледі", - деді Асылбек Смағұлов.
Аталған заң жобасын екінші оқылымда дауысқа қойылып, депутаттар құжатты қабылдады.
Айта кетейік, осыған дейін денсаулық сақтау министрі баласын вакцинациялаудан бас тартатын ата-аналарға қатысты пікір білдіріп, адам ағзасы елден қандай жағдайда шығарылатынын түсіндірген еді.
Еске салайық, 2019 жылдың аяғында ұлттық қоғамдық сенім кеңесінің екінші отырысында Мемлекет басшысы Қасым-Жомарт Тоқаев "жала жабу" бабын қылмыстық кодекстен алып тастауды ұсынған болатын.
"Қылмыстық кодекстің 130-бабын ("Жала жабу") қылмысқа жатқызбай, әкімшілік құқық бұзушылық туралы кодекске ауыстыру туралы шешім шығардым", - деді Президент отырыста.
