1. Главная
  2. Узнай
  3. Новости
  4. Новости Казахстана

Нұр-Сұлтанда қандай жағдайда карантин толықтай алып тасталатыны анықталды 15 мая 2020, 16:42

Нұр-Сұлтан қаласы қоғамдық денсаулық сақтау басқармасының басшысы Сәуле Қисықова елордада карантин шаралары қалай алынатынын айтты, деп хабарлайды
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Нұр-Сұлтан қаласы қоғамдық денсаулық сақтау басқармасының басшысы Сәуле Қисықова елордада карантин шаралары қалай алынатынын айтты, деп хабарлайды Tengrinews.kz тілшісі.

Ол карантин талабын жеңілдету үшін коронавирусты жұқтыру өсімі 7 пайыздан аспауы керегін атап өтті.

"Қазақстан бас санитар дәрігерінің кеңесі бойынша өңірлерде және Нұр-Сұлтан қаласында коронавирусты жұқтыру өсімі 7 пайыздан аспаса карантин шаралары алына бастайды. 8 мамыр күні қалада індетті жұқтыру көрсеткіші 7,1 пайыз болды. Сондықтан 9-16 мамыр аралығында коронавирусты жұқтыру өсімі 7 пайыздан аспаса, каратин талабын жеңілдетудің бірінші кезеңі басталады", - деді ол Нұр-Сұлтан қаласы әкімдігінде өткен баспасөз мәслихатында.

Оның айтуынша, кейін 7 күн бойы індетті жұқтыру өсімі 5 пайыздан аспаса, каратин талабын жеңілдету екінші кезеңге өтеді. 

"Сонымен қатар, 7 күн бойы коронавирусты жұқтыру өсімі 2 пайыздан аспаса, каратин талабын жеңілдетудің үшінші кезеңі басталады. Мен карантин талабын жеңілдету жоспардағыдай жүзеге асқанын қалаймын. Сондықтан барлығымыз сақтық шараларын ұмытпауымыз керек", - деп түйіндеді сөзін басшы.

Айта кетейік, осыған дейін Сәуле Қисықова COVID-19 жұқтырған науқастардың жағдайы туралы айтты.

Сондай-ақ, елордада 2 науқас аурудан көз жұмды.

Қазақстан COVID-19 вирусын жұқтырғандардың саны 5 689-ге жетті. 2 558 науқас айықты, 34 адам қайтыс болды.



Join Telegram