1. Главная
  2. Узнай
  3. Новости
  4. Новости Казахстана

Ринат Зайытов жаңа қызметіндегі жалақысын айтты 15 февраля 2021, 16:24

Таяуда "Алатау" дәстүрлі өнер театрының директоры болып тағайындалған Ринат Зайытов жаңа қызметіндегі жалақысы туралы айтты, - деп хабарлайды
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Нашли ошибку?

Ринат Зайытов, айтыскер, "Алатау" дәстүрлі өнер театры директоры Ринат Зайытов, айтыскер, "Алатау" дәстүрлі өнер театры директоры

Таяуда "Алатау" дәстүрлі өнер театрының директоры болып тағайындалған Ринат Зайытов жаңа қызметіндегі жалақысы туралы айтты, - деп хабарлайды Tengrinews.kz тілшісі.

"Айлығым қанша екенін білмеймін. Шамамен, 200 мың теңге. Бірінші барып еден жуушылармен сөйлестім. Олардың жалақысын білемін. Ең көбі 56 мың теңге. Мұндай жалақыға адам жұмыс істей ме? Менің орталығымда осындай адамдар бар. Ол жерде ең жоғары жалақы менікі, ол әрі кетсе 200 мың шығар. Ондағы әнші, әртіс, айтыскер ақындардың жалақысы 100 мың теңгеден аспайды", - деді Зайытов журналист Нартай Аралбайұлының Youtube-каналына берген сұхбатында. 

Оның айтуынша, "Алатау" театрының біржылдық бюджеті - 17-18 миллион теңге. Қоластында 230 адам бар. 

"Қызметтік көлігім бар. Бірақ оны қолданбаймын. Маған оның қажеттілігі жоқ. Таңертең жұмысқа барамын, кейін әкімдікке, телеарнаға, не басқа бір жаққа барып келуім мүмкін. Басқа уақытта жұмыстамын", - дейді театр басшысы. 

Еске салайық, 8 ақпанда Ринат Зайытов Ринат Зайытов "Алатау" дәстүрлі өнер театры коммуналдық мемлекеттік қазыналық кәсіпорнының директоры болып тағайындалғаны хабарланған еді. 

Айта кетейік, 2019 жылдың маусымында Ринат Зайытов партия құрмақ екенін айтып, "Алматы Арена" маңында президент сайлауынан кейін митинг ұйымдастырды деген айыппен ұсталғаны хабарланған еді. Кейін оның алматылықтарды сабырға шақырып, үндеу жасаған видеосы жарияланған

Артынша халық Алматыда Масанчи мен Қабанбай батыр көшелерінің қиылысындағы полиция ғимараты алдына жиналған. Сол кезде Ринат Зайытов оларды тағы да сабырға шақырып, үйге тарауын өтінген болатын. 

Бес баланың әкесі, актер, хит әндердің авторы. Сіз кімсіз, Ринат Зайытов?

Ринат Зайытов - 1983 жылы 17 қарашада Шығыс Қазақстан облысы, Аягөз қаласында дүниеге келген. Зайытов екі түрлі мамандықты тәмамдаған: драма театр актері және қазақ тілі мен әдебиет пәнінің мұғалімі. Бірақ оны танымал қылған бұл мамандықтар емес. 2001 жылы 17 жастағы Зайытов айтыс сахнасына шығады. Сол кезде-ақ халықтың махаббатына бөленген жас айтыскер кейін республикалық, халықаралық додаларға түсе бастап, жұлдызы жанған.

Ринат Зайытов хит әндердің авторы ретінде де аты шыққан. Ол КешYou тобының көп әніне сөз жазған. Халық арасында хит болған Бүркіттің "Тәттімсің", Бейбіт Қорғанның "От, от жанарым", Ғаділбек Жанайдың "Күзгі жаңбыр" әндерінің авторы - Ринат Зайытов. 2014 жылы сөзін Зайытов жазған "Ізін көрем" әнімен Жанар Дұғалова Turkvision жарысын жеңіп алған болатын.



Join Telegram