Подписывайтесь на канал Tengrinews.kz в WhatsApp
16 мая 2019 18:30

Жазда қандай аурулар көп тарайды - Дәрігерден кеңес

ПОДЕЛИТЬСЯ

© pixabay.com © pixabay.com

Жаз мезгілінде шаң-тозаңнан пайда болатын аллергиялық аурулардан басқа, инфекциялық аурулар да асқынады. Дәрігерлердің айтуынша, жазда ауа температурасының жоғарылауына байланысты қауіпті бактериялар көптеп тарайды. Осы орайда мамандар күннен қорғанудан бөлек, вирустардан абай болуға да кеңес береді. Осы ретте Tengrinews.kz тілшісі терапевт-кардиолог Лейла Оспановадан жаз мезгілінде қандай вирустардың көптеп таралатынын және ыстықтың ағзаға несімен қауіпті екенін сұрап білді.


Жаз мезгілінде шаң-тозаңнан пайда болатын аллергиялық аурулардан басқа, инфекциялық аурулар да асқынады. Дәрігерлердің айтуынша, жазда ауа температурасының жоғарылауына байланысты қауіпті бактериялар көптеп тарайды. Осы орайда мамандар күннен қорғанудан бөлек, вирустардан абай болуға да кеңес береді. Осы ретте Tengrinews.kz тілшісі терапевт-кардиолог Лейла Оспановадан жаз мезгілінде қандай вирустардың көптеп таралатынын және ыстықтың ағзаға несімен қауіпті екенін сұрап білді.

Дәрігердің айтуынша, әсіресе жазда жедел ішек инфекциясы, энтеровирустық инфекциялардың, сондай-ақ, миозит, бронхит және пиелонефрит ауруларын жұқтыру қаупі жоғары. 

"Күн ысығанда көбіне жедел ішек инфекциясы сияқты аурулар асқынады. Көп жағдайда ол қарапайым санитарлық нормаларды сақтамағаннан болады. Бұдан бөлек, бронхит пен пиелонефрит (бүйрек ауруы) көбейеді. Пиелонефрит көбіне азынақ желден пайда болады. Ол кезде бүйректің бактериялы қабынуы пайда болып, ол бактерияны антибиотикпен емдейді. Тағы бір асқынатын дерт ол - пневмония. Себебі жазда көбі кондиционер орнатылған бөлмеде отырады да бірден далаға шығып, суық тигізіп алады. Сондықтан кондиционерді өшіріп, бөлмеде бірқалыпты дене қызуы болуы үшін ауа алмастырып тұру қажет", - деп кеңес берді дәрігер.

Cондай-ақ, Оспанова жазда сүт өнімдерінде бактериялардың көп болатынын және улану жағдайларының көп болатынын ескертеді. Дәрігердің айтуынша, одан сақтану үшін тағамдарды, салаттарды, сүт өнімдерін әрқайсын әр түрлі ыдысқа салып, бетін жауып қою керек. Ең бастысы тағамды бөлек ыдыста сақтаған жөн дейді.

"Бұдан бөлек осы маусымда жиі таралатын аурулардың бірі деп энтеровирустық инфекцияларды айтуға болады. Ол өте тез таралады. Энтеровирустық инфекцияны бір айда бірнеше рет жұқтыру қаупі бар. Басқа жұқпалы аурулар сияқты емес. Энтеровирустың өзінде бір топ инфекция бар. Олардың ішіндегі ең көп таралғаны - полиовирустар. Инфекция асқазан-ішек жолдарынан бастау алады. Оның дәл мезгілінде таралуының себебі - жоғары температура болғанда және ультракүлгін сәуле жеткілікті мөлшерде болғанда вирустың адам ағзасына енуі өте оңай", - дейді дәрігер.

Маманның айтуынша, вирустың таралғанының басты белгілері дене қызуы жоғарылап, қалтырап, жұтқыншағы ісініп, адам терлегіш болып кетеді. 

"Кез келген вирус тараған кезде қабынуға қарсы дәрі-дәрмектерді қабылдау керек. Әсіресе, жаз мезгілінде D дәруменін ұмытпау керек. Көбірек мөлшерде су ішу керек. Бірақ препараттарды тек дәрігердің нұсқауымен қабылдау керек. Бұл вирустарды жою үшін көбіне парацетамол, ибупрофен қолданылады", - дейді Лейла Оспанова.

Осы ретте дәрігер вирустарды жұқтырмау үшін оның алдын алуға кеңес береді. Бірінші кезекте, дәрігердің айтуынша, әсіресе, күн ыстықта қарапайым санитарлық нормаларды сақтау қажет.

"Көшеден тамақтанбай, үйдегі жаңа әзірленген салаттарды көбірек тұтыну керек. Ал ең бастысы күн өтуден қорғану керек. Сағат 11.00-16.00 арасында күннің астында ұзақ жүру қауіпті. Бұл кезеңде күн аса қатты түседі. Сондықтар әрдайым баскиім киіп, көбірек су ішу қажет", - деп кеңес берді дәрігер.

Оқи отырыңыз:

Кондиционер тұрған жабық бөлме несімен қауіпті?

Маман қандай адамдарға күнге ұзақ уақыт күю қауіпті екенін айтты

Читайте также
Join Telegram

Курс валют

 448.12   483   4.85 

 

Погода

 

Редакция Реклама
Социальные сети