+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгінде АҚШ COVID-19 жұқтырған адам саны бойынша да, қайтыс болған адам саны бойынша да бірінші орында. Коронавирус елдің көптеген қаласында тіркелген. Вирусты жұқтырғандардың саны миллионға жуықтаған елдің қазіргі жағдайы қандай? Бұл туралы Tengrinews.kz тілшісі Орегон штатында тұрып жатқан Айсұлу Абельдинадан сұрастырды.
Бүгінде АҚШ COVID-19 жұқтырған адам саны бойынша да, қайтыс болған адам саны бойынша да бірінші орында. Коронавирус елдің көптеген қаласында тіркелген. Вирусты жұқтырғандардың саны миллионға жуықтаған елдің қазіргі жағдайы қандай? Бұл туралы Tengrinews.kz тілшісі Орегон штатында тұрып жатқан Айсұлу Абельдинадан сұрастырды.
Айсұлудың отбасымен АҚШ-та тұрып жатқанына бір жылдай болған. Ол - йога бойынша нұсқаушы. Айсұлудың айтуынша, құрама штаттардағы қазіргі жағдай тұрақты емес.
"АҚШ-та коронавирус жұқтырған 824 мыңнан аса адам анықталды. Елдегі қазіргі жағдай тұрақты емес. Трамп карантинді тоқтатпақ. Себебі ел экономикасы тағы бір ай карантин жарияланса шыдамауы мүмкін. Ал губернатор-демократтар бұған қарсы. Сондықтан кей штаттарда карантинге қарсы адамдар митингіге шығып жатыр. Ал Орегондағы жағдай тұрақты. Бірақ бұл штат Трампқа қарсы шыққан өзге де штаттармен біріккен. Орегонда 595 науқас анықталды", - дейді Айсұлу.
Кейіпкеріміз халыққа көрсетілетін әлеуметтік төлем туралы сөз қозғады.
"Бізде карантин жарияланған. Қоғамдық орындар жабық, тек азық-түлік дүкендері мен ауруханалар жұмыс істеп тұр. Жергілікті билік азық-түлік себетін тарата бастады. Ол үшін арнайы құжаттың да қажеті жоқ. Одан бөлек, жылдық табысы 75 мың доллардан аз адамдарға 1200 доллардан және әр балаға 500 доллардан беріледі. Қашықтан жұмыс істей алатындар онлайн істейді. Көптеген адам үйде жұмыссыздыққа байланысты жәрдемақы алады. Жалақының 60 пайызы төленеді. Қажет кәсіпорындар ғана жұмысын жалғастырып жатыр", - дейді Айсұлу.
Айсұлудың айтуынша, жергілікті тұрғындар сыртта жүрген кезде арақашықтыққа үлкен мән беретін көрінеді.
"Дүкенде адам саны өте аз. Барлығы арақашықтықты сақтап жүреді. Жалпы дүкендерге адамды аз-аздан кіргізеді. Тіпті тротуардың бойында кетіп бара жатқанда қарсы бетте адам келе жатса, жолдың арғы шетіне өтіп кетеді", - дейді кейіпкеріміз.
"Қорқыныш бар" - Қытайдағы қазақстандық жігіт коронавирусқа байланысты бар жағдайды айтты
© instagram.com/ais.abeldina
Айсұлудың сөзінше, Орегонда азық-түлік, қажет заттардың жетіспеушілігі байқалмайды.
"Маска мен спирт тапшылығы тек пандемияның бас кезінде байқалған, ал қазір дүкендерде барлығы жеткілікті. Тек бастапқы кезеңде адамдар барлығын сатып жатты, қазір жетіспеушілік байқалмайды. Адамдар қонаққа, қоғамдық орындарға көп бармайды. Барлық жерде қолды тазалайтын құралдар мен қолғаптар бар. Ал дүкен қызметкерлері әр адамнан кейін арбаны тазартып отырады", - дейді Айсұлу.
Жалпы Орегон штатында коронавирусқа байланысты жергілікті халықта үрей жоқ екен.
"Бірақ басқа штаттарда жағдай қиынырақ. Қытай мейрамханалары мен дүкендері банкрот болудың аз-ақ алдында тұр. Бір шеті азиаттардан да қорқа бастады. Жалпы өзімізде іштей үрей жоқ. Бұрынғысынша балалармен сыртта қыдырамыз. Тек қоғамдық орындарға баруды тоқтаттық", - дейді Айсұлу.
Еске салайық, дүниежүзі бойынша COVID-19 жұқтырғандардың саны 2,5 миллионнан асты. Оның 722 055-і жазылып шықты. Қазақстанда коронавирус инфекциясын жұқтырған 2207 адамның 20-сы қайтыс болды. Одан бөлек, 515 адам жазылып шықты.
"Биліктің әрекеті таңғаларлық!". Лондонда тұрып жатқан қазақстандық елдегі жағдай туралы
